Gjuriq në Mynih: Prej komunitetit ndërkombëtar kërkova masa në ndaljen e shkeljes së të drejtave të sërbëve në K&M

Ministri i punëve të jashtme të Sërbisë Marko Gjuriq i cili është pjesë e delegacionit të Sërbisë në Konferencën e Sigurisë së Mynihut, tha se në këtë tubim u shpreh polarizim ndaj është e rëndësishme që Sërbia, e cila tradicionalisht përfaqëson pozicion të ekuilibruar, të shikohet si pjesë e zgjidhjes. Ai tha se prej përfaqësuesve të komunitetit ndërkombëtar kërkoi masa energjike sesi të ndalet cënimi i të drejtave të sërbëve në Kosovë.

Gjuriq tha se bisedoi me sekretarin e përgjithshëm të OSBE të cilin e informoi për situatën urgjente në lidhje me institucionet arsimore e shëndetësore sërbe në Kosovë dhe kërkoi masa të nga kjo organizatë por dhe masa më të gjera ndërkombëtare për të ndalur cënimin e të drejtave të sërbëve.

"Nuk duhet të lejojmë që ajo që është shtylla kurrizore e mbijetesës së popullit sërb, por dhe karakterit multietnik të Kosovës e Metohisë, të shkelen për hir të axhendës nacionaliste të një regjimi që mori vrull, pasi dukshëm është toleruar më shumë që të sillet jashtë standardeve njerëzore dhe jo vetëm standarte politike të shekullit të XXI, paralajmëroi Gjuriq.

Ministri vuri në dukje se e drejta e dikujt për qëndrim politik nuk duhet të vijë nga e drejta e njerëzve të tjerë që të mësojnë në gjuhën e tyre tek mjeku i zgjedhur.

Duke folur rreth konferencës, vuri në dukje se polarizimi ishte më i theksuar në Mynih sesa në Davos.

"Po dëshmojmë ndryshime tektonike brenda bashkësisë euroatlantike. Në kushte të tilla, është fort e rëndësishme që Sërbia këtu të shikohet si pjesë e zgjidhjes dhe jo si pjesë e problemit, por si aktor që kontribuon aktivisht në stabilizimin e situatës në Ballkan duke e zhvendosur fokusin në gjëra sikurse janë përmirësimi i bashkëpunimit rajonal, zhvillimi ekonomik, çelja e perspektivës së mbarë rajonin tonë që të bëhet bashkërisht pjesë e BE me të gjitha të drejtat, por edhe detyrimet që nënkuptohen", tha Gjuriq.

Ky i fundit vuri në dukje se takimi i presidentit të Sërbisë Aleksandar Vuçiq dhe ministrit të punëve të jashtme të Kinës Vang Ji ku asistoi vetë, ishte e rëndësisë së madhe për Sërbinë.

"Jam shumë i kënaqur me takimet që presidenti Vuçiq dhe delegacioni ynë patën me aktorë jashtë-europianë. Mes këtyre takimeve, do të veçoja takimin e presidentit Vuçiq me ministrin e punëve të jashtme të Kinës, Vang Ji. Mund të them se një nga avantazhet krahasuese të Sërbisë, është respekti dhe besimi që gëzon tek kjo ekonomi më e madhe dhe me rritjen më të shpejtë në Lindjen e Largët, por në të vërtetë ekonomi që më shumë se kaq, sipas zhvillimit shkencor, teknologjik dhe të përgjithshëm shoqëror gjithnjë e më shumë rivalizon liderët tradicionalë perëndimorë në këto fusha", tha shefi i diplomacisë sërbe.

Gjuriq theksoi se Sërbia mban pozicion tradicionalisht të balancuar, ndërsa forcon lidhjet me organizatorët e konferencës, duke thënë se delegacioni pret takime të rëndësishme me zyrtarët gjermanë, si dhe se Vuçiq sot në mbrëmje do të takohet me disa zyrtarë europianë.

Duke folur për takimin me ministrin e punëve të jashtme të Lituanisë, Gjuriq tha se pret që në periudhën vijuese, marrëdhëniet mes Sërbisë dhe Lituanisë të kenë moment të ri.

"Për ne është i rëndësishëm mirëkuptimi dhe përmirësimi mes vendeve baltike dhe ballkanike, pasi ngjarjet në botë përshpejtohen, kohezioni, uniteti dhe harmonia në kontinentin europian bëhen me rëndësi strategjike. Gjëja tjetër, sikurse ekonomia sërbe është dyfishuar për një dekadë dhe ekonomia lituaneze është vazhdimisht në rritje. Bazohet tek teknologjitë moderne dhe mendoj se mund t'i ofrojmë shumë njëri-tjetrit", tha ministri.

Ky i fundit shtoi se nesër delegacionin sërb e presin takime të rëndësishme dhe se ai do të takohet me ministrin e punëve të jashtme të Indisë. Tha se njoftoi takime me një numër senatorësh, kongresmenësh dhe zyrtarë të tjerë të SHBA, si dhe me zyrtarin e lartë amerikan për Europën, Brendan Hanrahan.

Gjuriq shprehu pritshmëritë e tij që në bisedën me Hanrahan, do të konfirmohet dëshira e të dy palëve që marrëdhëniet e Sërbisë dhe të SHBA të çohen në nivelin e partneritetit strategjik.

"Kjo është diçka që, nëse ja arrijmë ta bëjmë në muajt vijues, me të vërtetë mendoj se do të jetë trashëgimi për brezat e ardhshëm, sepse përpjekja jonë për të përmirësuar marrëdhëniet me këtë forcë kyçe të qytetërimit perëndimor ka pasoja të gjera dhe pozitive për të gjitha interesat tona shtetërore e kombëtare, nga ekonomia e deri tek K&M", tha Gjuriq.

Ky i fundit shtoi se është takuar dhe me Zhelka Cvijanoviqin dhe tha se prania e saj dhe e presidentit të Sërbisë në Mynih, është e rëndësishme sepse është e nevojshme që zëri sërb të dëgjohet në të gjitha forumet ndërkombëtare përkatëse.