Gjuriq: Serbia vepron me përgjegjësi në dialogun me Prishtinën, Kurti nuk e respekton dialogun

Ambasadori i Serbisë në SHBA, Marko Gjuriq, ka deklaruar se Serbia po vepron me përgjegjësi dhe konstruktive në dialogun me Prishtinën dhe se publiku ndërkombëtar e di se kush nuk e respekton atë që ishte marrë vesh në vitin 2013, transmeton portali “24sedam”.

Gjuriq tha se Kurti ka treguar dje në Bruksel se është “një lloj mjeshtër i teprimeve” dhe se këtë mund ta dëshmojnë edhe pjesëmarrësit e tjerë të takimit.

“Ajo që është e rëndësishme për qytetarët e Serbisë është se delegacioni shtetëror i udhëhequr nga presidenti Vuçiq ka vepruar me qëllim të mbrojtjes së të drejtave kolektive, politike, ekonomike, kulturore dhe të çdo të drejte të serbëve në KdheM, duke mos shpikur arbitrarisht diçka të re por duke u mbështetur në atë që është rënë dakord në vitin 2013 dhe 2015. Ne nuk kërkojmë asgjë më pak dhe asgjë më shumë se kaq”, tha Gjuriq në një deklaratë për Tanjug, në festën e SNS Shën Petka.

Duke komentuar formatin në të cilin u zhvilluan bisedimet në Bruksel, Gjuriq tha se një format i tillë tregon se pas 20 muajsh lëvizje të njëanshme të Kurtit dhe 20 përshkallëzime, në qarqet e larta politike dhe në bashkësinë ndërkombëtare është pjekur vetëdija se edhe ata duhet të merren me këtë temë.

Ai po ashtu pyeti se si mund të pritet dialog dhe besim në marrëdhëniet me njerëzit që zëvendësojnë gjyqtarin Nikola Kabashiq – kryetarin e gjykatës në Mitrovicë e Veriut, vetëm pse ka guxuar të kundërshtojë gërmimin e varrezave serbe në Mitrovicën e Veriut.

“Dy ditë pas kallëzimit penal nga Nikolla, Vjosa Osmani nënshkroi dekretin për shkarkimin e tij, ndonëse ai dha dorëheqjen më shumë se nëntë muaj më parë, kur serbët u larguan nga institucionet. Ajo e priti këtë moment, i cili flet vetëm për qëndrimin ndaj serbëve. – e ka mërzitur që ai shkoi dhe foli për pozitën e serbëve në KdheM”, tha Gjuriq.

Po të ishte sipas Kurtit, Kosova nuk do të kishte as rrugë evropiane

Gjuriq theksoi se një nga premtimet e hershme të konstruktivitetit të Beogradit, i cili po harrohet, qëndron në faktin se në këmbim të AKS, ndër të tjera, u ra dakord që palët të mos bllokoheshin në rrugën e BE-së, gjë që lista Srbe e ka repektuar menjëherë.

Ai rikujton se Lista Serbe votoi për ratifikimin e Marrëveshjes së Stabilizim Asociimit të Kosovës me BE-në, gjë që Vetëvendosja e Kurtit nuk e bëri.

“Pa mbështetjen e Listës Serbe votimi do të ishte i pasuksesshëm. Prandaj, sikur të ishte sipas Kurtit, Kosova nuk do të kishte as rrugë evropiane”, theksoi Gjuriq.

“E gjithë kjo është pasojë e lëvizjeve të njëanshme të Kurtit”

Vëmendja e disa liderëve evropianë për këtë temë është pasojë e lëvizjeve të njëanshme të Kurtit, thekson ambasadori i Serbisë.

“Por është e rëndësishme që ata të tregojnë me sjelljen e tyre se ka pasoja për veprimet malinje të Kurtit, të cilat filluan me shkarkimin e komandantit rajonal të Policisë së Kosovës Veriore, Nenad Gjuriq, me dëbimin e serbëve nga qeveria në Prishtinë duke shkelur praktikisht të ashtuquajturën kushtetutën e Kosovës, e cila garanton se do të përfaqësohen përfaqësuesit e shumicës, partisë shumicë serbe. Kurti e injoroi këtë, pastaj në mbi 60 raste dërgoi forca speciale në veri të Kosovës dhe Metohisë, duke krijuar krizat njëra pas tjetrës”, tha Gjuriq.

E gjithë kjo kontribuoi në krijimin e një klime politike, shtoi ai, në të cilën dialogu në rrjedha të rregullta, në mënyrën si u zhvillua gjatë dekadës së kaluar, nuk mund të zhvillohej dhe në të cilën disa liderë evropianë ndjenë nevojën për t'u përfshirë.

“Ajo që do të donim të shihnim është një pamje objektive e fotografisë, një fotografi në të cilën shihet qartë se serbët janë viktima të përpjekjeve të Kurtit për spastrimin etnik të tyre nga zona e Kosovës dhe Metohisë, për dëbimin e serbëve nga zona e krahinës sonë jugore dhe që, përveç faktit që ndonjëherë janë mjeshtër solidë të propagandës, nuk kanë politikë tjetër veç presionit ndaj serbëve, ndryshimeve të njëanshme të situatës në terren dhe se nuk janë të orientuar drejt kompromisit , marrëveshjeve dhe ndërtimit të një të ardhmeje tjetër për të gjithë në KdheM”, tha Gjuriq.

Nga ana tjetër, thekson Gjuriq, Serbia është e fokusuar në mbrojtjen e të drejtave të popullit tonë, popullit tonë në Kosovë, por është e hapur për krijimin e një paradigme të re në marrëdhëniet serbo-shqiptare, të cilën, tha ai, e ka demonstruar vazhdimisht në vitet e mëparshme.

Gjuriq tha se kushdo që dëshiron të shohë, mund të shohë qartë se kush është viktima, kush është konstruktiv dhe kush është i orientuar drejt një marrëdhënieje normale ndërmjet komuniteteve kombëtare, dhe kush dëshiron të përdorë dhunë dhe presione të ndryshme dhe sjellje të papërshtatshme për Evropën e shekullit të 21. që të realizon qëllimet politike.

“Pozicioni negociator i Serbisë është i vështirë”

“Ne e dimë se një numër i madh i tyre vijnë nga shtetet që kanë përkrahur pavarësinë e Kosovës dhe Metohisë, nuk kemi iluzione të ekzagjeruara se cili është pozicioni i tyre. Qëndrimi negociues i Serbisë ka qenë i vështirë për më shumë se dy dekada, kur bëhet fjalë për KdheM ”, tha Gjuriq.
Lidhur me këtë, Gjuriq thekson se Banjska është një ngjarje tragjike që para së gjithash ka prekur familjet e njerëzve që kanë humbur të dashurit e tyre – “për shkak të vullnetit të një politike destruktive që gjatë 20 muajve të fundit shkeli të drejtat kolektive të serbëve dhe donte të ndryshonte imazhin etnik në veri të krahinës sonë”.

"Dhe pozicioni negociues nuk ishte i lehtë edhe para Banjskës, sigurisht jo më i lehtë pas tij. Puna jonë është që, pavarësisht peshës së këtij pozicioni, të vazhdojmë të fitojmë miq dhe të shpjegojmë qëndrimin tonë dhe të krijojmë një opinion publik që do të jetë më pranues dhe të hapur ndaj interesave të Serbisë, dhe ne po e bëjmë këtë - në mënyrë sistematike”, tha Gjuriq.

Çdo transformim i “FSK në të ashtuquajtur ushtri dhe një lloj formacioni ushtarak të armatosur rëndë është kundër Rezolutës 1244 dhe marrëveshjes ushtarako-teknike nga Kumanova”, tha Gjuriq, duke komentuar deklaratën e ambasadorit amerikan në Prishtinë, Geoffrey Hovenier , se duhet të përkrahet transformimi i forcave të sigurisë së Kosovës.

“Është gjithashtu e rrezikshme që do të ishte një përkrahje në shpinë të një politike të qeverisë së Kurtit, e cila ka 20 muaj që ka dëshmuar se është e kundërta e normalizimit, dialogut dhe respektimit të të drejtave kolektive dhe individuale të serbëve. Qeveria gjatë mandatit të së cilës 11 për qind e serbëve u larguan nga KdheM. Nuk ka arsye që ajo të marrë mbështetje për ndonjë armatim shtesë. Në vend të kësaj, i gjithë rajoni ka nevojë për shumë më tepër dialog dhe ndërtim besimi", tha Gjuriq.

I pyetur për të komentuar njoftimin e fundit të presidentit serb Aleksandar Vuçiq se Gjuriq do të kthehet së shpejti në Serbi, si dhe se çfarë poste presim të mbajë ai, ambasadori thotë se nuk merret me kalkulime.

“Përpiqem ta bëj punën time në mënyrën më të mirë të mundshme”

“Nëse e ndiqni aktivitetin tim politik, vini re se, ndryshe nga shumë kolegë të mi, nuk shqetësohem shumë për veten time, ndaj edhe tani nuk bëj asnjë llogaritje. Mundohem ta bëj punën time sa më mire që Unë mundem, jam shumë krenar për faktin se në tre vitet e mëparshme në Uashington, blemë një ndërtesë të re fenomenale për Ambasadën e Serbisë, për krenarinë e Serbisë, më pak se një milje larg Shtëpisë së Bardhë, në rrugën më të bukur në Uashington”, tha Gjuriq.

Ai shtoi se ambasada në SHBA hapi një rezidencë të re javën e kaluar, e cila do të jetë shtëpi e ngjarjeve kulturore, politike dhe të tjera.

“Jam krenar për faktin se ne mblodhëm dhe mobilizuam diasporën serbe, një milion serb në Amerikë, për veprime politike. Javën e kaluar kishim një konferencë për Kosovën dhe ishte hera e parë në histori që shteti serb në Uashington organizoi një ngjarje të tillë. Tre vite më parë “Muajin e kaluar ne themeluam edhe Këshillin Serbo-Amerikan të Biznesit në Uashington, i cili përbëhet nga kompanitë më të mëdha amerikane që punojnë në Serbi, dhe i cili tashmë po lobon dhe u drejtohet zyrtarëve amerikanë me kërkesën që ata mbështesin Serbinë më energjikisht”, theksoi Gjuriq.

Ambasadori theksoi se nuk ka shumë kohë për t'u marrë me spekulime dhe as për të supozuar se çfarë do të bëjë në të ardhmen.

“Më besoni, në shumicën e rasteve nuk kam kohë as të shkruaj për atë që është bërë, as në rrjetet sociale, e lëre më të merrem me atë që do të bëj në të ardhmen. Por ajo që di është se punoj me ekipi më të mirë për Serbinë, ekipin e Aleksandar Vuçiqit dhe Partisë Progresive Serbe dhe unë do të vazhdoj të kryej aktivitetet e mia politike në koordinim dhe marrëveshje me presidentin Vuçiq dhe Partinë time Progresive Serbe”, përfundoi Gjuriq.