Gjuriq uroi 250 vjet pavarësi të SHBA-së: Gëzohemi për ndërtimin e partneriteti strategjik

Ministri i Punëve të Jashtme i Serbisë, Marko Gjuriq, uroi popullin dhe Qeverinë e Shteteve të Bashkuara të Amerikës për 250-vjetorin e pavarësisë.

Gjuriq deklaroi se për 145 vjet, Serbia dhe SHBA-të kanë ndarë një miqësi të bazuar në sakrifica të përbashkëta, lidhje të përhershme midis popujve dhe besimin se partneriteti mund të kapërcejë edhe sfidat më të mëdha.

"Derisa shënojmë këtë moment historik, Serbia pret me padurim thellimin e bashkëpunimit dhe ndërtimin e një partneriteti strategjik që do t'u sjellë paqe të qëndrueshme, siguri dhe prosperitet brezave të ardhshëm. Gëzuar Ditën e Pavarësisë", tha Gjuriq.

Urimi në rrjetin social "X" shoqërohet me një video të shkurtër interesante në të cilën, në telefon, alternohen pamje të qyteteve amerikane, si dhe takime midis zyrtarëve serbë dhe amerikanë.