Grenell: Njohja reciproke nuk e vendos ushqimin në tryezë, është i nevojshëm zhvillimi ekonomik

Ish-i dërguari special i Uashingtonit për dialog, Richard Grenell, tha se të gjitha palët në rajon duhet të shikojnë faktet, se cila ishte situata nën Donald Tramp dhe si është tani nën Joseph Biden, transmeton RTS.

“Është e qartë se që nga zbatimi i marrëveshjeve ekonomike, solli punë për të rinjtë, hapi kufijtë, çoi në kaos dhe se forcat e NATO-s duhej të ndërhynin. Ai ndryshim është Albin Kurti. Jam shumë i shqetësuar që Kurti refuzon idetë amerikane, vazhdon të refuzojë idetë evropiane dhe nuk vuan pasojat. Kjo do të vazhdojë derisa të ketë presion nga SHBA, për momentin nuk ka pasoja”, tha Grenell në një paraqitje të ftuar në Dnevnik.

Sipas tij, nën Bidenit nuk është nënshkruar asnjë marrëveshje e re, ashmë flitet për kontrata të nënshkruara më parë që janë bërë aktuale për shkak të situatës.

“Për një kohë të gjatë evropianët donin të hapej vendkalimi në Merdar, por nuk u hap derisa ndërhynë amerikanët. Ne patëm një marrëveshje të tregtisë së lirë nën Tramp për fluturimet direkte. Asnjë nga këto nuk u zbatua. BKS është një marrëveshje e vjetër që duhet të ishte zbatuar", vuri në dukje Grenell dhe shtoi se politika amerikane tani po ia kalon stafetën evropianëve.

Ish-i dërguari special i Uashingtonit për dialog, theksoi se tani është në sektorin privat dhe merret me ekonominë.

"Ne kemi parë Departamentin e Shtetit të dërgojë njerëz të nivelit më të ulët dhe të lënë evropianët të marrin drejtimin," thotë Grenell.

Ai shpjegoi se ka një dallim të madh mes dikujt të dërguar nga Presidenti i Shteteve të Bashkuara, dhe njerëzit të cilëve tani u është besuar kjo janë nga Departamenti i Shtetit dhe ata nuk i raportojnë presidentit.

“E lamë mënjanë historinë e politikës, për njohjen reciproke, për të cilën flitet prej 20 vitesh. Njohja reciproke nuk vendos ushqim në tryezë për njerëzit që përpiqen të krijojnë një familje. Ne kemi nevojë për zhvillim ekonomik. Ky është qëllimi dhe nuk ka ndodhur nën këtë administratë”, tha Grenell.

Marrëveshja e Uashingtonit

Duke folur për Marrëveshjen e Uashingtonit, ai thotë se kjo nënkuptonte që të përfshihej sektori privat që të vinin kompanitë perëndimore.

“Kemi planifikuar të punojmë për këtë, është e rëndësishme që zyrtarët e qeverisë të largohen dhe të lejojnë sektorin privat të përfshihet.  Nuk ka zëvendësim të vërtetë për udhëheqjen. Unë do të thoja se ka mungesë të udhëheqjes nga Shtëpia e Bardhë”, vuri në dukje Grenell.

Duke komentuar propozimin franko-gjerman, ai tha se nuk ka detaje dhe se të dyja palët duhet të kërkojnë më shumë detaje.

"Njerëzit nuk do të nënshkruajnë marrëveshje që vetëm rinovojnë marrëveshjet e mëparshme. Franca dhe Gjermania po përpiqen të nënshkruajnë një marrëveshje të re, dhe do të ishte më mirë që ata të përqendrohen në zbatimin e marrëveshjeve të mëparshme”, ka theksuar Grenell.