Gudzhiq: Marrëveshja në Kumanovë shënoi fundin e luftës, por edhe fillimin e vuajtjeve të mëdha të serbëve

Analisti politik dhe historiani nga Graçanica, Aleksandar Gudzhiq, vlerësoi se Marrëveshja Ushtarako-Teknike në Kumanovë shënoi fundin e luftës në vitin 1999, por edhe fillimin e spastrimit më të madh etnik në fund të shekullit të 20-të.

“Qytetarët e Kosovës, qofshin ata të nacionalitetit serb apo shqiptar, e pritën me gëzim marrëveshjen e Kumanovës dhe përfundimin e bombardimeve. Në ditët në vazhdim pasoi frika e serbëve dhe shpërngulja. Ishte spastrimi më i madh etnik në fund të shekullit të 20-të, pasi u dëbuan 230,000 serbë. Ata kurr nuk u kthyen më”, tha Gudzhiq për Kosovo online.

Ai tha se kthimi i serbëve të dëbuar në Kosovë në 25 vitet e fundit është në nivel të një gabimi statistikor dhe se procesi i kthimit nuk ka pasur kurrë ngritje.

“Edhe ata që janë kthyer, është kthim i paqëndrueshëm. Dhe ata që vendosën të kthehen në vendlindjen e tyre u larguan shumë shpejt”, theksoi Gudzhiq.

Sipas tij, Kumanova nuk është zgjedhur rastësisht si vend për të negociuar dhe arritur marrëveshje për përfundimin e luftës.

“Në Luftën e Parë Ballkanike, në Betejën e Kumanovës, serbët e çliruan përfundimisht Kosovën nga sundimi dhe idetë osmane. Simbolika e demokracive perëndimore ishte nënshkrimi i një marrëveshjeje në Kumanovë, të cilën më vonë të gjithë nënshkruesit, përveç Serbisë, do ta mashtronin dhe nuk do ta respektonin. Kjo duhet të kishte shënuar simbolikisht humbjen e Kosovës”, përfundoi Gudzhiq.