Gujon: I vetmi projekt fashist që ka ekzistuar që nga Lufta e Dytë Botërore është "Shqipëria e Madhe"

Ironia është se kushdo që kundërshton projektin e “Shqipërisë së Madhe” dhe i ndihmon serbët, edhe nëse nuk është serb, quhet fashist, ka thënë Drejtori i Drejtorisë për Diasporë dhe Serbët në Rajon në Qeverinë e Serbisë, Arno Gujon, në një intervistë për “Vecernje Novosti”.

Falë punës së Drejtorit të Drejtorisë për Diasporë dhe Serbët në rajon, Arno Gujon, dhe organizatës së tij humanitare “Solidariteti për Kosovën”, sot mund të lexohet artikull objektiv për situatën në Kosovë në mediat e huaja, që ishte e pamendueshme 15 vjet më parë.

“Ne raportojmë për situatën, organizojmë vizita për gazetarë dhe deputetë të huaj në mënyrë që bota të shohë se si jetojnë serbët në qendër të Evropës. Serbia është në anën e së vërtetës dhe drejtësisë, situata është pak më e mirë se më parë, por propaganda negative është ende prezente, lobi proshqiptar është i fortë”, ka thënë Gujon, të cilit i është ndaluar hyrja në Kosovë gati pesë vjet më parë, dhe për katër vite ai është duke u gjykuar për këtë para gjykatave të Kosovës.

“Ajo që di edhe si francez edhe si serb është se Kosova është në thelb të historisë, kulturës dhe identitetit të popullit serb”, tha Gujon dhe shtoi se “ndërsa Kosova është në zemrën e secilit prej nesh, ajo është e jona, pavarësisht nga realiteti politik aktual apo i ardhshëm”.

Duke reaguar ndaj akuzave nga Twitter ku ai quhej fashist serb, Gujon u përgjigj se "serbët dhe fashistët nuk bëjnë pjesë në të njëjtën fjali".

“Serbët gjithmonë kanë luftuar kundër fashizmit dhe i vetmi projekt fashist që ka ekzistuar që nga Lufta e Dytë Botërore është projekti i Shqipërisë së Madhe. Ironia është se kushdo që e kundërshton atë projekt dhe i ndihmon serbët, edhe nëse nuk është serb, quhet fashist. Kjo tregon fytyrën e atyre ekstremistëve që dinë vetëm të etiketojnë dhe të vizatojnë shënjestër në ballë”, tha Gujon.

Duke komentuar pozicion e popullit serb në vendet e rajonit ku ka qenë i pranishëm që nga kohërat e lashta, tha se ndryshon nga vendi në vend, se nuk është njësoj të jesh serb në Lubjanë dhe Gllamoç dhe se për serbët, pyetjet thelbësore janë pse ata nuk kanë statusin e pakicës ose të drejta të caktuara, ndryshe nga bashkatdhetarët e tyre që e kanë në Serbi edhe pse nuk janë shumica e madhe, si dhe pse u shtyp alfabeti cirilik.

I pyetur për incidentin e fundit në Sarajevë, kur fëmijët serbë dhe prindërit e tyre u sulmuan në një turne futbolli, Gujon theksoi se dhuna nuk fillon kurrë me një therje apo një plumb të shkrepur, por me demonizimin që synon të justifikojë krimet e ardhshme.

Lidhur me pronën e serbëve në Bosnjë e Hercegovinë, Gujon tha se të drejtën pronësore kanë 400 mijë persona të zhvendosur dhe refugjatë, të cilët mund ta humbasin këtë të drejtë për shkak të harmonizimit të regjistrave të tokës dhe kadastrave. Kjo është arsyeja pse më shumë se një vit më parë filloi një fushatë për të informuar serbët e dëbuar nga Federata për të drejtat e tyre pronësore.

“Epilogu aktual është se deri më tani me Zyrën për informim dhe ndihmë juridike falas kanë kontaktuar 9000 persona dhe se po aq raste janë iniciuar për realizimin e të drejtave pronësore, të cilat mbulojnë një sipërfaqe totale prej rreth 57,000. hektarë”, ka përfunduar Gujon në një intervistë për “Vecernje Novosti”.