Hill në Bujanoc: Marrëveshja e Brukselit ka të bëjë me Beogradin dhe Prishtinën, jo me pakicën shqiptare në Serbi

Ambasadori amerikan Kristofer Hill tha sot në Bujanoc se SHBA-të nuk i përkrahin kërkesat e shqiptarëve nga jugu i Serbisë, janë kundër reciprocitetit në lidhje me të drejtat e serbëve në Kosovë, si dhe krijimit të një bashkësisë së komunave shqiptare në jugu i Serbisë, njofton Bujanovačke.

Hill theksoi se Marrëveshja e Brukselit ka të bëjë me Kosovën, jo me çështjet e pakicave në Serbi.

“Duhet të jem shumë i qartë kur them se dialogu në Bruksel ka të bëjë me zgjidhjen e problemeve ndërmjet Prishtinës dhe Beogradit. Qëllimi i dialogut nuk është të zgjidhë ndonjë çështje tjetër, çështjet e pakicave këtu apo në pjesë të tjera të vendit”, tha Hill.

Ambasadori theksoi se çështja e minoritetit shqiptar në Serbi është ekskluzivisht çështje e shtetit të Serbisë dhe përsëriti se “nuk ka të bëjë fare me dialogun e Brukselit”.

Sipas tij, politika zyrtare e SHBA-së është të mbështesë dialogun e Brukselit dhe marrëveshjen e arritur, pjesë e rëndësishme e së cilës është themelimi i Bashkësisë së Komunave Serbe.

“Marrëveshja e arritur nuk ka ndërmend të kalojë kufijtë”, theksoi ambasadori.

I pyetur nga gazetarët për letrën e kongresmenëve amerikanë të cilët pas takimit me politikanë shqiptarë nga Bujanoci dhe Presheva i kërkuan Sekretarit të Shtetit Amerikan Entoni Blinken formimi i një bashkësi të komunave shqiptare, ambasadori tha se respekton atë që thonë kongresmenët, por se një bashkësi i tillë nuk është pjesë e Marrëveshjes së Brukselit.