Jevtiq: Qytetarët kërkojnë rritje e numrit të pjesëtarëve të KFOR-it, po përballen me sfida të shumta

Kryetari i Komunës së Shtërpcës, Dallibor Jevtiq, ka theksuar se kërkesa e qytetarëve është që të rritet prezenca e KFOR-it dhe policies,duke shtuar se në një moment të madh shqetësues, Shtabi i Policisë së Kosovës ka dërguar një letër ku kërkon dërgimin e serbëve, pjesëtarë të Policisë së Kosovës, nga Shtërpcë në veri.

Ai në TV Pink tha se i plagosuri Millosh është në shtëpi, ndërsa Stefani është ende në spital, por ka shtuar se më e rëndësishmja është që ata janë gjallë, pasi gjithçka mund të kishte përfunduar tragjikisht.

“Fakti është shqetësues se dikush nga Shtabi i Policisë së Kosovës ka dërguar një letër në Shtërpcë ku  kërkohet që një numër i caktuar i policëve serbë të dërgohen në veri në kohën kur nevojitet një prani më e madhe e policëve në Shtërpcë, që është një mesazh shumë i keq”, tha Jevtiq.

“Ne biseduam për këtë në bisedime me përfaqësues të bashkësisë ndërkombëtare dhe ata thane se kushdo që nuk dëshiron të largohet nuk do të sanksionohet dhe këtë dua ta besoj. Por kjo kërkesë tregon problemin e qëndrimit të qeverisë ndaj çështjes së sigurisë dhe jetës së serbëve në Kosovë dhe Metohi”, tha Jevtiq.

Ai ka theksuar se takimi me delegacionin e lartë të Departamentit të Shtetit ka qenë i mirë.

“Kemi arritur të përcjellim shqetësimet e qytetarëve, duke marrë parasysh gjithçka që ka ndodhur së fundmi, aq më tepër që në pushtet është Albin Kurti. Duam të besojmë se mund të ndikojnë që Kurti të vijë në vete, për të ndalur retorikën që prek shqiptarët. Kurti thotë se ne jemi terroristë dhe kriminelë dhe një shqiptar kur e dëgjon këtë, i jep të drejtë vetes të vijë dhe të lëndojë dikë”, ka theksuar Jevtiq.

Siç ka thënë ai, në Kosovë pjesëtari i FSK-së që qëlloi djalin dhe të riun paraqitet si hero.

"Rrëfimi është se ai është një hero, ata e madhërojnë atë dhe kjo është e gabuar. Ata duan ta mbrojnë se është pjesëtar i FSK-së, thonë se ka qëlluar për vetëmbrojtje, nuk e dimë se nga çfarë mbrohej. Kur ke atë lloj rrëfimi, atëherë dalin të rinj të tjerë që duan të bëhen heronj. Prandaj kërkojmë nga institucionet, detyra e të cilëve është siguria jonë, të merren më seriozisht me këtë çështje”, tha Jevtiq.

Sipas tij, Serbët në Kosovë janë përballur me sfida të ndryshme për dekada.

Kryetari i Shtërpcës deklaroi se me emërimin e Nenad Rashiqit për ministrin për Komunitete dhe Kthim, Kurti ka dërguar mesazh se në krah të tij do vetëm serbët e bindur.

“Për atë se çfarë statusi kanë këta njerëz në komb, tregon gjithashtu se delegacioni amerikan nuk është takuar me ta, por me ata që e dinë se kanë mbështetjen e popullit. Por mesazhi i Kurtit është se ai nuk dëshiron të respektojë as ligjet e Kosovës kur bëhet fjalë për emërimin apo vendosjen e përfaqësuesve politikë të serbëve në pozita të tilla”, ka theksuar Jevtq.

Siç tha ai, protesta në Shtërpcë ka qenë shumë e rëndësishme për shkak të mesazheve që janë dërguar.

“Protesta ishte shumë e rëndësishme për shkak të mesazheve që u dërguan, por i lëndoi shumë shqiptarë, sepse nuk e prisnin një numër kaq të madh njerëzish. Nuk kemi pritshmëri nga autoritetet e Kosovës, në anën tjetër pritshmëritë e të rinjve nga Serbia janë të mëdha, Serbia ndihmon shumë përmes Zyrës për Kosovën, Vuçiqi e di shumë më mirë se të tjerët se si është situata në Kosovë. Ai po përpiqet të shpëtojë jetën me veprimet e tij”, tha Jevtiq.

Jevtiqi shtoi se prindërit e atij të riu dhe djalit ishin më racionalët në situatën më të vështirë. Ata janë mirënjohës për të gjithë, sepse e ka parë që nuk ishin vetëm. Plagët do të shërohen, por tronditja që përjetoi Stefani i vogël do të jetë i vështirë për t'u harruar. Nëpërmjet mbështetjes që marrin Stefan dhe Millosh, ne shohim se nuk jemi vetëm”, ka përfunduar Jevtiq.