Lavrov në Shkup: OSBE në gjendje trishtuese, Sërbisë i rrëmbyen Kosovën pa referendum

Ministri i punëve të jashtme të Rusisë Sergej Lavrov ka thënë sot në Shkup duke i’u drejtuar Këshillit të Ministrave të OSBE se kjo organizatë ndodhet në gjendje trishtuese dhe që perspektivat e saja nuk janë të qarta.

"Diçka më shumë se një vit, akti final i Helsinkit mbush 50 vjet. Me trishtim mund të themi se OSBE këtë vit e pret në gjendje trishtuese si dhe perspektivat e saj janë të paqarta" ka thënë Lavrov.

Ky i fundit tha se pikërisht vendet e NATO dhe Bashkimit Europian shkatërruan dimensionin ushtarako-politik të OSBE prej vitit 1999. Atëherë Nato, kujton ai, ndërmori agreson të ashpër ndaj Jugosllavisë, anëtare e OSBE dhe KB.

"Ndërsa në vitin 2008 u shkel rezoluta 12 44 e KS të KB dhe parimet e moscënimit të kufijve në Europë sipas aktit final të Helsinkit, Sërbisë i’u rrëmbye Kosova pa asnjëlloj referendumi" ka thënë Lavrov.

Sipas fjalëve të këtij të fundit, vendet perëndimore përdorën OSBE për interesa të NATO. "Ekspansioni i Nato drejt lindjes është një prej faktorëve të shembjes së sigurisë në Europë" ka thënë Lavrov dhe u shpreh se vitin e kaluar pyetjes drejtuar SHBA se si e komentojnë faktin që nuk duhet të forcojnë sigurinë e të tjerëve në kurriz të tyre-mbeti pa përgjigje.

Ai deklaroi edhe se Perëndimi, duke i vendosur sanksione Rusisë, dëshironte të shkatërronte ekonominë ruse dhe se BE i’u bind Amerikës tek kjo.

"SHBA dhe satelitët e saj europianë kanë vendosur mijëra sanksione ndaj Rusisë, duke i dhënë fund bashkëpunimit të gjerë praktik midis Lindjes dhe Perëndimit në rajonin tonë dikur të përbashkët", tha Lavrov.

Ky i fundit tha se qëllimi i Kievit është zhdukja e gjithçkaje ruse, në të cilën siç thotë ai, ka tejkaluar gjithçka deri më tani, pasi në Ukrainë mohohet ekzistenca e rusëve dhe roli i tyre kyç në krijimin e Ukrainës.

"Aty njerëzit janë të privuar nga kontakti me kulturën, gjuhën, librat dhe mediat ruse dhe OSBE rreth kësaj hesht" tha Lavrov.

Heshti, thotë ai, po vazhdon të heshtë edhe Brukseli, i cili nuk thekson se është e nevojshme të respektohen të drejtat e të gjitha pakicave kombëtare, siç përcaktohet në dokumente të shumta.

“Ata që duhet të garantojnë lirinë e medias heshtin kur i pyesim përse mbyllen të gjitha mediat që shkruajnë atë që nuk pajtohet me ideologjinë e perëndimit” ka thënë Lavrov.