Lista serbe me Zaracin: Të gjitha marrëveshjet e nënshkruara dhe të gjitha të drejtat e popullit serb në Kosovë janë shkelur

Delegacioni i Listës Serbe në krye me kryetarin, prof. Dr. Zllatan Ellek është takuar sonte në Mitrovicën e Veriut me të dërguarin gjerman për Ballkanin Perëndimor, Manuel Zaracin.

Siç thuhet në njoftim, përfaqësuesit e Listës Serbe e informuan të dërguarin gjerman në detaje për aktivitetet antiserbe të qeverisë së Albin Kurtit që nga themelimi i saj.

I kanë thënë gjithashtu se janë shkelur të gjitha marrëveshjet e nënshkruara, si dhe të gjitha të drejtat e popullit serb.

“Vendimi i fundit për heqjen e dinarit është pika e fundit dhe së bashku me të gjitha të mëparshmet rezultati është emigrimi i popullit serb”, kanë theksuar liderët e Listës Serbe.

Prandaj, theksohet në komunikatë, Lista Serbe kërkon nga bashkësia ndërkombëtare, e cila ka garantuar respektimin e marrëveshjes, por edhe respektimin e të drejtave të popullit serb, të reagojë sa më shpejt dhe të parandalojë eksodin e populli serb.

“Tani më shumë se kurrë nevojiten masa, dhe jo njoftime dhe deklarata”, tha nga Lista Serbe.