Lista Sërbe: Sulmi i paprovokuar ndaj fëmijëve sërbë, kërkon reagim më të fortë nga bashkësia ndërkombëtare

Lista Sërbe ka dënuar ashpër tentativën për vrasje të fëmijëve sërbë në fshatin Gotovusha dhe kërkon zbulimin urgjent të përgjegjësve të këtij sumi brutal dhe dënimin e tyre.

"Ky sulm i paprovokuar ndaj fëmijëve sërbë, meriton reagim më të fortë të bashkësisë ndërkombëtare, si dhe të institucioneve kompetente të sigurisë. Sulmi është pasojë e histerisë antisërbe të drejtpërdrejtë nxitur nga Albin Kurti”, tha Lista Sërbe.

Kjo e fundit pyet ministrin e punëve të brendshme të Kosovës Xhelal Sveçlën, se cili është përgjegjës i këtij sulmi brutal dhe nëse kriminelët janë në veri apo në jug.

Lista Sërbe kujton se në ditën e Krishtlindjes, kur fëmijët sërbë po ktheheshin nga pema e Krishtlindjes, pranë tyre u ndal një automjet me dy shqiptarë dhe i kërcënoi, e më pas tentoi t'i vriste duke qëlluar në drejtim të tyre. Me këtë rast, të dy djemtë janë lënduar.