Lista Serbe për sulmin ndaj një të riut serb: Prishtina po i përdor serbët si pengje për qëllime politike në dialog

Sulmi me motive etnike ndaj një të riu serb nga sulmues të nacionalitetit shqiptar në rrugën Dobrotini - Gushterica e Poshtme është vazhdimësi e presionit ndaj serbëve në Kosovën qendrore, me qëllimin përfundimtar përndjekjen nga këto hapësira, njoftoi sonte Lista Serbe.

"Ky sulm i paprovokuar është pasojë e drejtpërdrejtë e histerisë dyvjeçare antiserbe të regjimit në Prishtinë, dhe pasivitetit sistemik kur bëhet fjalë për dhunën ndaj serbëve në këto hapësira”, thuhet në Listën Serbe.

Për këtë arsye ata kërkojnë nga bashkësia ndërkombëtare që të ushtrojë presion shtesë mbi institucionet e Kosovës dhe të parandalojë incidente të reja përmes veprimeve parandaluese dhe të thërrasë përgjegjësit për këtë sulm.

“Duhet theksuar se ky sulm i motivuar etnik, si shumë më parë, si rregull vjen në hollin e negociatave në Bruksel për të ushtruar presion shtesë ndaj serbëve në Kosovë e Metohi, por edhe ndaj ekipit negociator në Beograd, në radhë të parë presidentit Aleksandar Vuçiq. Është e qartë se regjimi në Prishtinë po përpiqet t'i përdorë serbët si pengje për qëllimet e tij politike në dialog”, përfundohet në njoftim.