Millivojeviq: Kurti mund të krijojë kaos në rajon, është koha që KFOR-i të "funksionojë"

Lidhur me kërkesën që presidenti i Serbisë, Aleksandar Vuçiq, u ka dërguar sot përfaqësuesve të vendeve të Quint-it, që KFOR-i të marrë kontrollin e sigurisë në veri të Kosovës, ish-diplomati Zoran Millivojeviq thotë se nuk është i bindur se nga bashkësia ndërkombëtare, gjegjësisht qendrat perëndimore të pushtetit, mund të pritet diçka domethënëse në favor të qetësimit të situatës dhe ndëshkimit të Albin Kurtit, por paralajmëron gjithashtu se ka ardhur koha për këtë.

Millivojeviq për Kosovo online tregon se sigurisht se ka ardhur koha që KFOR-i të “punojë përseri”, sidomos pas ngjarjeve dramatike në Banjskë, ku mbetën të vrarë katër serb dhe një polic shqiptar.

“Pritet që Kfor-i të funksionojë dhe që ajo temë të jetë në forumet ku bëjnë pjesë”, shton ai.

Siç thotë ai, nëse do të ketë sukses, nuk e di, por kësaj radhe situata është vërtet e rrezikshme dhe këtë herë çdo përpjekje për të anashkaluar çështjen nga ajo që ofrojnë rrethanat objektive dhe çfarë ofron situata në terren, përfaqëson një përgjegjësi serioze për ata që zgjedhin një qasje të tillë.

“Është jashtëzakonisht e rrezikshme, një konflikt është i mundshëm dhe nuk mund të gjendet vetëm në atë zonë të vogël. Banjska ka kaluar, por nuk jam i sigurt se si mund të vazhdojë, nëse përshkallëzohet, është momenti i fundit që Kurti të ndalet. Do të krijojë kaos në rajon”, përfundoi Millivojeviq.