Milloviq: Deklarata e Stoltenbergut jep shpresë për një zgjidhje paqësore të krizës, nuk do të largohemi nga vendet tona të punës

Zëvendësdrejtori i QSK-së Mitrovica e Kosovës Dragisha Milloviq ka deklaruar për Kosovo online se deklarata e Sekretarit të Përgjithshëm të NATO-s, Jens Stoltenberg, se vendosja e FSK-së në veri kërkon leje, dhe për veprimet e Policisë së Kosovës, konsultimi me KFOR-in, jep një lloj shprese për një zgjidhje paqësore të krizën në veri, që po vazhdon prej disa muajsh dhe që sipas tij është shkaktuar nga lëvizjet e njëanshme të Prishtinës.

Milloviq përshëndeti vendimin e Stoltenbergut se dialogu është mënyra e vetme për të zgjidhur të gjitha çështjet e hapura ndërmjet Beogradit dhe Prishtinës.

“Presim dhe tani është rasti që më 14 shtator në Bruksel, përmes dialogut, të gjenden zgjidhje për gjithçka që nuk është rënë dakord deri më tani”, tha ai.

Në pyetjen se a është i mundur deeskalimi, duke qenë se autoritetet në Prishtinë çdo ditë po bëjnë lëvizje të reja që çojnë në përshkallëzim, nga uzurpimi i pronës shtetërore serbe, tentativa për t'i dëbuar nga objektet zyrtare në një ndërtesë në Mëhallën e Boshnjaçkëve, ku janë Zyra për Kosovë dhe Metohi, Fondi Krahinor i PIO, Qendra për Punë Sociale Vushtrri dhe Qarku Administrativ i Mitovicës së Kosovës, Milloviq tha se “për çdo ditë po dëshmojmë se nuk ka deeskalim”.

“Fatkeqësisht, presionet mbi serbët po vazhdojnë, tani po shohim se po tentojnë të marrin institucionet ku serbët kanë punuar me vite, d.m.th. me dekada, për t'i lënë pa punë, për t'ua vështirësuar edhe më shumë jetën, që të largohemi nga hapësirat tona shekullore. Ne nuk do të largohemi nga ambientet dhe vendet tona të punës, do të vazhdojmë të punojmë sepse kemi lindur këtu, jemi në tokën tonë dhe kështu do të mbetet”, tha Milloviq.

Ai iu referua edhe faktit se punëtorët në institucionet, dëbimi i të cilëve kërkohet me vendim të kryetarit të komunës së Mitrovicës së Veriut, Erden Atiq, e kanë kaluar natën e kaluar në një ndërtesë në Mëhallën e Boshnjaçkëve.

“Tani po mundohen të na heqin të drejtën e punës. Ashtu siç po përpiqen të na heqin të drejtën e trajtimit, të lirisë së lëvizjes, prandaj po shkelen të drejtat elementare të njeriut, këtë e dinë tashmë përfaqësuesit e bashkësisë ndërkombëtare. Dhe me të vërtetë presim që fjalët e përfaqësuesve të bashkësisë ndërkombëtare që janë këtu në Kosovë dhe Metohi sipas Rezolutës 1244 të Këshillit të Sigurimit të OKB-së, për të siguruar një jetë të sigurt për të gjithë në Kosovë dhe Metohi, do të dëgjohen shumë më qartë dhe dukshëm”, thekson Milloviq.