Përfaqësuesit e Listës Serbe me Lajçakun: Është e nevojshme të formohet BKS sipas marrëveshjeve të vitit 2013 dhe 2015.

Përfaqësuesit e Listës Serbe janë takuar sot me përfaqësuesin special të BE-së për dialogun ndërmjet Beogradit dhe Prishtinës, Miroslav Lajçak, me të cilët diskutuan për situatën politike dhe të sigurisë në Kosovë dhe problemet me të cilat ballafaqohet populli serb në baza ditore.

Siç thuhet në njoftim, liderët e Listës Serbe veçanërisht kanë theksuar se është e nevojshme formimi i Bashkësisë së Komunave Serbe, në përputhje me marrëveshjet e vitit 2013 dhe 2015, zbatimi i të cilave garantohet nga Bashkimi Evropian.

Ata morën garanci se të gjitha marrëveshjet e arritura më parë duhet të respektohen dhe se BE mbetet e përkushtuar ndaj çështjes, dhe se të gjitha interpretimet e tjera që janë shfaqur në publik janë të pabaza, shtohet në njoftimin për shtyp.

Gjatë bisedës, kryetari dhe nënkryetarët e Listës Serbe i kanë përcjellë bashkëbiseduesit shqetësimet e popullit serb për arrestimet dhe ndjekjet e paligjshme të serbëve, të cilat gjykohen publikisht pa prova apo gjykim.

Gjithashtu, përfaqësuesit special i kanë tërhequr vëmendjen sulmeve të shpeshta ndaj serbëve, marrjes së tokës serbe në mënyrë që Prishtina të ndërtojë bazat e saj ilegale në veri të Kosovës dhe pranisë ilegale të njësive speciale nga Prishtina në veri të Kosovës, të cilët, theksuan ata, nuk kanë çfarë të kërkojnë nga asnjë pikë e marrëveshjes.