Sholc: Hapat konkretë në themelimin e BKS-së janë gjithashtu të rëndësishëm për anëtarësimin e Kosovës në Këshillin e Evropës

Kancelari gjerman Olaf Sholc sot në një bisedë me kryeministrin e Kosovës, Albin Kurti, ka theksuar rëndësinë e hapave konkretë në themelimin e Bashkësisë së Komunave Serbe në kuadër të kërkesës së Kosovës për anëtarësim në Këshillin e Evropës, bëri të ditur zëdhënësi i qeverisë gjermane, Shtefen Hebenshtrajt.

Në një bisedë telefonike me Kurtin, Sholc ka theksuar mbështetjen e Gjermanisë për integrimin evropian të Kosovës dhe ka rikujtuar rëndësinë e dialogut ndërmjet Kosovës dhe Serbisë me ndërmjetësimin e BE-së dhe zbatimin e plotë të Marrëveshjes së Ohrit, thuhet në komunikatën e Qeverisë gjermane.

Kancelarja gjermane përshëndeti zbatimin e vendimit të Gjykatës Kushtetuese të Kosovës për manastirin e Deçanit.

“Sholc theksoi rëndësinë e hapave konkretë të ndërmarrë nga autoritetet e Kosovës drejt krijimit të Bashkësisë së Komunave me shumicë serbe, në kuadër të paraqitjes së kërkesës së Kosovës për anëtarësim në Këshillin e Evropës”, ​​tha Hebenshtrajt.

Sholc dhe Kurti ranë dakord në bisedë që të qëndrojnë në kontakt dhe të vazhdojnë komunikimin e hapur.