Suniog për masat e BE-së: Ato do të tërhiqen sapo Kosova të kontribuojë në deeskalim, të organizojë zgjedhje dhe të angazhohet në dialog

Shefi i Zyrës së Bashkimit Evropian në Kosovë, Tomash Suniog, ka bërë të ditur në takimin me përfaqësuesit e Komisionit për Integrime Evropian se masat e BE-së do të tërhiqen sapo Kosova të kontribuojë në deeskalimin e situatës në veri, organizon zgjedhje të reja lokale dhe angazhohet plotësisht në dialog.

Në një postim në Twitter, Suniog ka thënë se me anëtarët e Këshillit ka diskutuar për situatën aktuale në veri, marrëdhëniet mes BE-së dhe Kosovës dhe masat e fundit të BE-së.

Ai po ashtu tha se BE-ja vazhdon ta mbështesë Kosovën në rrugën e saj evropiane.