Vuçiq: BKS mund të formohet vetëm në bazë të katër dokumenteve të nënshkruara

Presidenti i Serbisë, Aleksandar Vuçiq, tha sot se Bashkësia e Komunave Serbe mund të formohet vetëm në bazë të katër dokumenteve që janë nënshkruar, të cilat janë dokumente për ekipin drejtues, parimet, zbatimi dhe themelor, pra marrëveshja e parë, raporton Novosti.

"Të katër janë të nënshkruar dhe përmbajtja e tyre duhet të plotësohet. Dhe nuk jam veçanërisht i interesuar për fantazmagoritë e tyre për modelet daneze, suedeze dhe të tjera, më intereson ajo që është nënshkruar për t'u përmbushur”, tha Vuçiq në Ingjija, duke iu përgjigjur pyetjes së një gazetari në lidhje me propozimin e 15 modeleve evropiane për formimin e BKS-së të përmendura nga kryeministri i Kosovës Albin Kurti dhe nëse Ekipi Drejtues i ka dhënë të dërguarit të BE-së për dialog, Miroslav Lajçak, autoritetin për ta propozuar atë.

Vuçiq po ashtu tha se nuk mendon se Lajçak ka thënë në atë mënyrë, sepse e pyeti për këtë, por ai gjithashtu deklaroi se pavarësisht se çfarë dikush studion dhe nëse dëshiron të mos ketë kuptim, BKS duhet të shkojë në përputhje me atë që është nënshkruar.

Nuk ju duhen modele të reja, mos u mërzitni të shpikni gjëra që nuk kanë lidhje me të vërtetën”, tha Vuçiq.

Ai e shtoi se pozita e Serbisë nuk është ideale, sepse Kosova është “foshnja e tyre dhe duhet ta lëkundin dhe ta mbrojnë atë”.

Ai tha se Serbia është gjithmonë në një pozitë më të vështirë, dhe ata që mbështesin integritetin e Serbisë kanë problemet e tyre.

“Kështu që  kemi mbetur mes çekiqit dhe kudhrës, por ne do ta nxjerrim Serbinë në një mënyrë mjaft të zgjuar dhe të mençur. dhe me kompani të tilla do të mund të krenohemi edhe në të ardhmen, sepse suksesi i tyre është gjithmonë sukses i Serbisë”, tha Vuçiq.