Vuçiq dhe Zelenski për situatën aktuale gjeopolitike dhe rajonale

Presidenti i Serbisë, Aleksandar Vuçiq, u takua me presidentin e Ukrainës, Volodimir Zelenski, gjatë pjesëmarrjes në Forumin Ekonomik Botëror në Davos.

„Me presidentin Volodimir Zelenski diskutuam për situatën aktuale gjeopolitike dhe rajonale, mundësitë për arritjen e paqes dhe stabilitetit të qëndrueshëm në kontinentin tonë, si dhe për sigurinë energjetike,“ shkroi Vuçiq në Instagram.

Ai shtoi gjithashtu se shprehu shpresën për vazhdimin e bashkëpunimit të mirë dhe të hapur midis dy vendeve, me qëllim përmirësimin e jetës së qytetarëve dhe mbështetjen e ndërsjellë në rrugën e përbashkët evropiane.