Vuçiq foli me Blinken: Policia e Kosovës arreston serbët në mënyrë krejtësisht arbitrare

Presidenti i Serbisë, Aleksandar Vuçiq, ka folur në telefon me Sekretarin e Shtetit të SHBA-së, Entoni Blinken, të cilit i ka thënë se Serbia sillet seriozisht dhe me përgjegjësi, por se forcat speciale të policisë së Kosovës arrestojnë pjesëtarët e popullit serb çdo ditë në mënyrë arbitrare, dhe ai kërkoi lirimin e të gjithë serbëve të arrestuar.

“Sekretari i Shtetit Blinken ka insistuar në qetësimin e situatës në veri të Kosovës e Metohisë dhe ka mbështetur plotësisht planin evropian për deeskalim”, thuhet në shërbimin për shtyp të Presidentit.

Vuçiq tha gjithashtu se “dorëheqjet dhe tërheqja e menjëhershme e kryetarëve të rrejshëm nga ndërtesat në katër komuna në veri të Kosovës, si dhe e forcave speciale të policisë së Kosovës, janë me rëndësi kyçe për qetësimin e tensioneve”.

Sekretari i Shtetit Blinken e uroi Presidentin Vuçiq për faktin se Beogradi fitoi organizimin e EXPO 2027, duke mposhtur ndër të tjera edhe Minesotën.