Vuçiq me sheikun Abdul bin Zajed: Asnjë alternativë tjetër veçse angazhim për paqe

Presidenti i Sërbisë Aleksandar Vuçiq është takuar sot në Abu Dabi me sheikun Abdul bin Zajed al Nahjan, ministrin e jashtëm për bashkëpunimin ndërkombëtar të Emirateve të Bashkuara Arabe.

"Me mikun tim sheikun Abdul bin Zajed al Nahjan vazhdojmë bisedime të shkëlqyera të cilat i kemi filluar në Beograd në janar të këtij viti me fokus të veçantë zhvillimin e shpejtë me bashkëpunim gjithëpërfshirës dhe strategjik ekonomik dypalësh mes Sërbisë dhe Emirateve të Bashkuara Arabe", ka theksuar Vuçiq në profilin e Instagramit „buducnostsrbijeav“.

Vuçiq tha se kanë shkëmbyer mendime për zhvillimin e situatës gjeopolitike dhe se janë dakordësuar se nuk ka alternativë tjetër veçse paqes.

"Pashmangshmërisht kemi shkëmbyer mendime për zhvillimet më të reja të situatës gjeopolitike dhe shqetësimet tektonike në arkitekturën e marrëdhënieve ndërkombëtare, të cilat kanë hapur konflikte të reja duke shkaktuar pasiguri të mëdha dhe ndarje të thella midis kombeve dhe shteteve. Jemi dakordësuar që veç paqes, nuk ka tjetër alternativë në marrëdhëniet ndërkombëtare dhe se vendet tona janë sinqerisht të përkushtuara ndaj këtij qëllimi. Në kohët kur aleancat e vjetra po shkatërrohen dhe po krijohen aleanca të reja, Sërbia është krenare të rikonfirmojë miqësinë e saj me Emiratet e Bashkuara Arabe si një nga faktorët kryesorë të paqes jo vetëm në Lindjen e Mesme, por edhe në një shkallë më të gjerë. Faleminderit edhe një herë për partneritetin tuaj solid dhe të sinqertë, të dashur miq nga Emiratet e Bashkuara Arabe", ka shkruar Vuçiq.