Vuçiq: Mundim më i madh në periudhën e ardhshme – Kosova, Serbia do të jenë gjithmonë me popullin e saj

Presidenti i Serbisë dhe PPS-së, Aleksandar Vuçiq, ka thënë sot në Kuvendin e kësaj partie se mundim më i madh në periudhën e ardhshme do të jetë çështja e Kosovës, sepse Prishtina po kryen terror ndaj popullit serb, duke thënë se Serbia do të qëndrojë pranë popullit të saj dhe se Krajina nuk duhet lejuar kurrë të përsëritet.

Në pjesën e hapur të seancës, Vuçiq raportoi se të gjithë anëtarët e PPS-së nga Kosova, të cilët duhej të merrnin pjesë në takimin në Kragujevc, tani janë në Kosovë, ku situata është e vështirë.

“Regjimi shqiptar në Prishtinë po kryen terror të vërtetë kundër popullit tonë, dhe disa po shtiren si të pakualifikuar dhe naivë, por në fakt qëllimi i tyre, dhe e kam fjalën për Perëndimin, është që gjoja të dalin me një deklaratë kundër Prishtinës, gjoja për të na kënaq, por në fakt duhet të pajtohemi me atë që quhet realitet i ri, i cili nuk i përshtatet aspak popullit serb dhe është në kundërshtim me të gjitha marrëveshjet e nënshkruara dhe aktet dhe normat ndërkombëtare”, tha Vuçiq.

Ai tha se rezistenca e popullit serb do të jetë gjithnjë e më e fortë.

"Shpresoj përmes mjeteve paqësore dhe demokratike dhe nëse sulmohen, jam i sigurt se do të mbrojnë veten. Serbia dhe PPS duhet të jenë me popullin e tyre në Kosovë, ky është obligimi ynë. Ne kurrë nuk duhet të lejojmë Krajinën, as dëbimin e popullit tonë”, ka thënë më Vuçiq.