Zeçeviq: Frika e Lajçakut ishte e justifikuar, në vend të BKS Kurti formoi një bashkësi të komunave shqiptare

Sllobodan Zeçeviq nga Instituti për Studime Evropiane tha sot se frika e Miroslav Lajçakut nga përshkallëzimi i konfliktit në Kosovë është i justifikuar, sepse janë duke u bërë lëvizje nga kryeministri i Kosovës Albin Kurti dhe qeveria në Prishtinë që çojnë në përshkallëzim të konfliktit me popullata serbe në veri të Kosovës, raporton RTV.

Zeçeviq deklaroi për Tanjug se lëvizjet që janë bërë tashmë, konfiskimi i tokës për ndërtimin e bazave policore, tentativa për të hapur një urë ndërmjet palës shqiptare dhe serbe në veri të Mitrovicës, arrestimi i njerëzve, janë diçka që ndodh vazhdimisht.

Ai beson se BE nuk ka reaguar mjaftueshëm ndaj të gjitha ngjarjeve në Kosovë siç pritej, sepse vlera themelore e BE-së është respektimi i marrëveshjeve të arritura dhe se BE si garantuese e atyre marrëveshjeve do të duhej t'i zbatonte ato, në kuptimin e tërheqjes së vëmendjes ndaj Prishtinës dhe kërcënimit të saj me sanksione nëse nuk zbaton atë që është marrë vesh në Bruksel.

Zeçeviq thekson se edhe pse Kurti thotë se është i gatshëm për zbatimin e plotë të asaj që është rënë dakord në Bruksel dhe Ohër, kjo nuk shihet në praktikë sepse BKS nuk është zbatuar për më shumë se një dekadë.

“Një gjë janë fjalët dhe një gjë janë veprimet. Njëra janë historitë se çfarë janë gati të bëjnë, dhe e pamë se për çfarë janë gati, në vend të BKS-së, formuan një bashkësi e komunave shqiptare. Aty tre për qind e popullsisë zgjodhën kryetarë komunash shqiptarë që janë nën kontrollin e Albin Kurtit. Prandaj, ky bashkësi i komunave shqiptare në veri të Kosovës komandohet drejtpërdrejt nga kabineti i Albin Kurtit”, ka përfunduar Zeçeviq.

Kur është fjala për hapjen e urës në Ibër, Zeçeviq thotë se nuk është koha për ta hapur atë, sepse popullata serbe nuk ka besim tek ai dhe beson se kjo hapje do të çonte në konflikte të reja mes shqiptarëve dhe serbëve.