Banorët e Shtërpcës, një vit nga ndalimi i mallrave serbe: Ende nuk jemi përshtatur

Më 14 qershor të vitit të kaluar, qeveria e Kosovës mori vendim për ndalimin e importit të produkteve serbe, dhe banorët e Shtërpcës me të cilët ka biseduar ekipi i Kosovo online, theksojnë se është shumë e vështirë të mbijetojnë dhe se duhet të blejnë mallra të cilësisë më të dobët, sepse duhet të jetojnë me diçka.

Rodolub Mlladenoviq thekson se problemi më i madh është se nuk ka produkte serbe të destinuara për fëmijë.

“Do të thoja që nuk jemi përshtatur plotësisht, mungojnë shumë, kryesisht produkte të destinuara për fëmijë, si biskotat “Plazma” dhe qumështi, të gjitha gjërat që ne si fëmijë jemi mësuar t'i konsumojmë. Këto janë disa produkte që jemi mësuar t'i kemi në shtëpi prej vitesh, por tani nuk i kemi. Mendoj se ende nuk jemi mësuar me të”, tha Mlladenoviq.

Vuksan Stalletoviq thotë se për shkak të mungesës së mallrave me origjinë serbe, ndonjëherë si alternativë i përdorin produktet bujqësore që i kultivojnë vetë.

“Këtu nuk ka mallra serbe, problemi është kryesisht ushqimi, kjo është elementare për mua. Unë i dua prodhimet e qumështit dhe tani është më e vështirë, kur nuk ka asgjë, përdorim prodhime bujqësore, speca, domate...”, thotë Stalletoviq.

Një vendas thotë se duhet të blejnë produkte të cilësisë së ulët.

“Na mungojnë gjithçka, blejmë mallra të tjera, njeriu duhet të jetojë, nuk mund të durojë”.

Petar Milkoviq thekson se nuk janë të kënaqur me vendimin për ndalimin e importit të produkteve serbe.

“Në bazë të rrethanave kemi arritur të përshtatemi, por na mungon malli ynë, na mungon, kështu që nuk jemi të kënaqur me këtë”, tha Milkoviq.