Dioqeza rashko-prizrenase: Këtë vit pa notin për Kryqin e Shenjtë në liqenin e Ujmanit

Në liqenin e Ujmanit këtë vit nuk do të organizohet noti tradicional i Epifanisë për Kryqin e Shenjtë për arsye organizative dhe sigurie, njoftoi Dioqeza rashko-prizrenase.

Në njoftimin në faqen e dioqezës, shtohet se në festën e Pagëzimit të Krishtit në Jordani – Epifanisë, në të gjitha kishat dhe manastiret e dioqezës do të shërbehet liturgji festive me shenjtërimin e ujit.

“I ftojmë besimtarët tanë që atë ditë të mblidhen në kishat e tyre në numër sa më të madh dhe kështu në mënyrë liturgjike ta shënojnë këtë festë dhe ta çojnë ujin e shenjtë në shtëpitë e tyre për bekim”, thonë nga Dioqeza rashko-prizrenase.