Gjuriq me Gorin për problemet e sërbëve në Kosovë: Ndërtimi i urave në Ibër provokim i ri i autoriteteve në Prishtinë

Ministri i punëve të jashtme të Sërbisë Marko Gjuriq ka biseduar sot me ambasadorin e Italisë në Sërbi Luka Gori rreth rrugës europiane dhe hapat e mëtejshëm në realizimin e aktiviteteve të planifikuara në axhendën dypalëshe. Gjithashtu ministri shprehu shqetësimin për vendosjen e gurit të themelit për dy urat në lumin Ibër dhe një herë si lëvizje destabilizuese e pushtetit në Prishtinë.

Duke shprehur kënaqësinë për marrëdhëniet tradicionalisht miqësore dhe stabile mes Sërbisë dhe Italisë, shtylla kurrizore e të cilave është partneriteti strategjik, dinamika intensive e takimeve në nivelet më të larta, si dhe bashkëpunimi i zhvilluar ekonomik, ministri Gjuriq vlerësoi se gjatë vitit të kaluar janë arritur rezultate të dukshme në fusha me rëndësi për të dy vendet.

“Sërbia është e interesuar për vazhdimin e dialogut të frytshëm politik me Italinë mike, si vend me një rol thelbësor të rëndësishëm në lëvizjet europiane dhe globale”, tha shefi i diplomacisë sërbe, duke përsëritur mirënjohjen e tij për mbështetjen e vazhdueshme që ky vend i ofron Sërbisë në proçesin e integrimit në familjen evropiane, veçanërisht përmes angazhimit të vet në grupin “Miqtë e Ballkanit Perëndimor”.

Në këtë kuptim përsëriti se anëtarësimi me të drejta të plota në Unionin Europian paraqet vendosmëri strategjike për Sërbinë dhe nënvizoi vendosmërinë e palëkundur të qeverisë aktuale të Sërbisë që deri në fund të vitit pasardhës, të zbatojë reformat e domosdoshme politike, ekonomike dhe legjislative dhe me qasjen e vet serioze e të përgjegjshme të provojë se meriton vend të barabartë për tryezën europiane.

Kur është fjala për situatën në Kosovë, Gjuriq shprehu shqetësim serioz për vendosjen e gurëve të themelit për dy urat në lumin Ibër si një tjetër në serinë e lëvizjeve destabilizuese dhe provokuese të autoriteteve në Prishtinë.

“Ky akt konfirmon qartë se qëllimi i regjimit të Kurtit nuk është të pretendojë për të lehtësuar lirinë e lëvizjes, por të vazhdojë të frikësojë popullin sërb dhe krijojë mjedis në të cilin do t’i detyrojnë sërbët të braktisin në numër edhe më të madh Kosovën e Metohinë” tha Gjuriq.

Sikurse theksoi, në rrethana kaq komplekse dhe jashtëzakonisht të vështira për popullin sërb, roli i Misionit të KFOR si garantues i sigurisë në territorin e Kosovës, është i rëndësisë jetike për mbijetesën e sërbëve në Kosovë.

Në lidhje me këtë Gjuriq i transmetoi edhe një herë mirënjohje të veçantë për kontribute të vazhdueshme Italisë në sigurimin e stabilitetit në Kosovë përmes angazhimit aktiv të ushtarëve italianë në përbërje të Кfor, si dhe ruajtjen që i ofrohet manastirit ortodoks të Deçanit në afërsi të Pejës.