Guxhiq: Qëllimi i shqiptarëve të Kosovës është të marrin kishat serbe pa marrë parasysh të vërtetën historike

Historiani Aleksandar Guxhiq thotë se fakti që në Google Maps, në gjuhën shqipe, kishat dhe manastiret serbe në Kosovë janë shënuar si shqiptare, nuk është shembulli i parë i përvetësimit të trashëgimisë kulturore serbe nga shumica shqiptare në Kosovë, por bëhet fjalë për një proces.

Sipas tij, ky proces ka një para-histori të gjatë.

„Jemi dëshmitarë të një revizionizmi historik, të një riciklimi të historisë. Institucioneve të Kosovës u nevojitet një e kaluar e përpunuar, e ricikluar. Elitave politike dhe intelektuale të shqiptarëve të Kosovës u duhet rishikimi i historisë për të justifikuar kryengritjen e viteve ’90, dëbimin e 250.000 serbëve në vitet 1999 dhe 2000, si dhe për të justifikuar hkatërrimin e më shumë se 150 kishave dhe manastireve nga viti 1999 deri në 2004,“ deklaroi Guxhiq për Kosovo online.

Siç thotë, revizionizmi historik në Kosovë mbështetet në katër shtylla.

„E para është identiteti romakatolik i shqiptarëve të Kosovës, e dyta është identiteti iliro-dardan i shqiptarëve të Kosovës, e treta është viktima ekskluzive shqiptare, dhe e katërta është identiteti ortodoks i shqiptarëve të Kosovës. Të katër këto shtylla kanë të përbashkët pretendimin se shqiptarët janë vendas, se serbët janë shpërngulur në këto hapësira në shekullin XII, se kanë nënshtruar shqiptarët, kanë rrënuar kishat e tyre dhe mbi themelet e atyre kishave kanë ndërtuar kishat dhe manastiret e tyre. 

Kjo konstrukcion historike, që mbështetet mbi këto katër shtylla, u nevojitet elitave politike dhe intelektuale të shqiptarëve të Kosovës për të justifikuar gjithçka që kanë bërë në vitet 1999 dhe 2000,“ shpjegon Guxhiq.

Siç thekson ai, shkenca serioze i hedh poshtë këto konstrukcione historike dhe këtë revizionizëm historik, dhe është botuar një sërë tekstesh shkollore dhe librash që kundërshtojnë teoritë pseudoshkencore të elitave politike dhe intelektuale të shqiptarëve të Kosovës.

Megjithatë, ai dyshon se këmbëngulja në të vërtetën historike do të sjellë ndonjë rezultat.

„Qëllimi i elitave politike dhe intelektuale të shqiptarëve të Kosovës është që ata të këmbëngulin në versionin e tyre të historisë, dhe nuk i intereson çfarë thonë njerëzit e shkencës. Frikësohem se kjo do të vazhdojë edhe në të ardhmen. Qëllimi përfundimtar i shqiptarëve të Kosovës është të marrin kishat dhe manastiret, pa marrë parasysh se çfarë mendon shkenca zyrtare për këtë,“ thekson ky historian.

Duke pasur parasysh se për shkak të shënjimit të trashëgimisë kulturore serbe si shqiptare në Google Maps në gjuhën shqipe, ministri i Kulturës në Qeverinë e Serbisë, Nikola Selakoviq, iu drejtua UNESCO-s, Guxhiq thotë se për UNESCO-n kishat dhe manastiret serbe janë pjesë e trashëgimisë kulturore serbe, se Kosova nuk është anëtare e UNESCO-s, dhe se çështja këtu është e qartë.