Todiq: Është e qartë se Prishtina nuk po heq dorë nga marrja e tokës dhe pronave serbe

Ish-kryetari i Leposaviqit, Zoran Todiq, ka vlerësuar se është më se e qartë se autoritetet në Prishtinë nuk po heqin dorë nga marrja e tokës serbe me projektligjin e ri për shpronësim.

Todiq theksoi se është më se e qartë se të gjitha bazat që janë ndërtuar në veri të Kosovës vitin e kaluar janë ndërtuar ilegalisht.

“Këtë e vërteton projektligji i ri, ku një neni përcakton se është me interes publik ndërtimi i objekteve për nevoja ushtarake dhe policore, për infrastrukturë, kanale telekomunikacioni që do të çonin në ato baza. Drafti parashikon që toka, sipërfaqet më të gjera përreth ndërtesave, mund të jenë objekt shpronësimi. Është më se e qartë se qeveria e Prishtinës dhe autoritetet nuk heqin dorë nga synimi i tyre për të marrë tokën serbe, pronën serbe për ndërtimin e bazave ushtarako-policore në veri", tha Todiq.

Siç thekson ai, serbët, të cilëve u është uzurpuar toka, janë të vendosur të mos heqin dorë nga lufta.

“Banorët serbë, të cilët jetojnë në tokat dhe pronat që janë objekt i këtij shpronësimi, janë të vendosur që të mos lejojnë të ndërtohet asnjë bazë policore dhe ushtarake në pronat e tyre, të cilat i kanë trashëguar nga baballarët dhe gjyshërit e tyre, kështu që ky synim i Prishtinës nuk çoi në normalizim”, tha Todiq.

Ai shprehu pritjen se kësaj radhe bashkësia ndërkombëtare do ta kuptojë me të vërtetë dhe do të ndikojë që Qeveria në Prishtinë të heqë dorë nga ato synime.

“E vetmja gjë që u mbetet serbëve është të luftojnë kundër atyre vendimeve antiserbe me të gjitha mjetet ligjore dhe të përdorin të gjitha mjetet demokratike për t'iu kundërvënë atyre vendimeve të pushtetit nga Prishtina”, ka përfunduar Todiq.