Hoxha: Do të kallzojmë penalisht Deharin

Deputetja e Partisë Demokratike të Kosovës Eliza Hoxha ka thënë se ndaj deputetit të Vetvendosjes Avni Dehari, do të bëhet kallzim penal për atë që nuk vijoi seancën konstituese, transmeton Koha.

“Kjo është shkelje të cilën zoti Dehari ka bërë ndaj deputetëve të Republikës së Kosovës që ka zgjedhur populli dhe që nuk ka lejuar vijimin e seancës konstituese për çka është i detyruar sipas Rregullores së Kuvendit që është miratuar me shumicën e 2/3. Kjo paraqet shkelje të ligjit dhe moszbatimin e detyrës. Në këtë rast besoj se do të kallzohet penalisht për shkak të shpërdorimit të qëllimshëm të detyrës. Egziston bazë ligjore për këtë” tha Hoxha për KTV.

Hoxha tha se Kosova momentalisht është në “pengun tej normave kushtetuese”.

"Në këtë rast, ne kemi fuqi mbi shtetin. Kushtetuta nuk mund të vlejë për disa dhe jo për të tjerët. Ligji nuk mund të vlejë për disa dhe jo për të tjerët, rregulloret e Kuvendit nuk mund të vlejnë për disa dhe jo për të tjerët. Këtu po krijohet precedent dhe nuk mund t'u thuash nesër qytetarëve, bizneseve dhe operatorëve që bëjnë biznes në Kosovë që të respektojnë ligjin, për sa kohë që e ke ndryshuar plotësisht aspektin e zbatimit të ligjit", tha Hoxha.

Kjo e fundit shtoi se duhet, sesi të krijohet "kontekst politik për dialog", të lëshohet topi, raporton Koha.

"Duhet të egzistojë mirësjellje e sinqertë. E para që duhet të bëjë zoti Kurti, ai është fituesi i zgjedhjeve. Nëse populli nesër u jep besim për qeverinë, atëherë duhet ta shfrytëzoni në mënyrën më të mirë. Nëse këtë e kuptoni me arrogancë dhe e ktheni në barrikadë, atëherë kjo nuk çon askund veç autokracisë. Kurti në zgjedhjet e fundit madje u kërkoi 80 deputetëve të bënin çfarë të dëshironte ai. Është në dorën e popullit të vendosë nëse dëshiron që të gjitha instrumentet e pushtetit dhe vendimmarrjes të mbahen tek një person dhe të jetë mbi shtetin siç është sot edhe me më pak vota", tha Hoxha.

Sipas fjalëve të saj, nëse Albin Kurti dëshiron që Kosova të ecë përpara, atëherë duhet të arrihet konsensus siç është bërë në të kaluarën.