Kryeziu: Zgjidhja e krizës që vetë e keni shkaktuar nuk ju bën as politikanë, as burrështetas

Drejtori ekzekutiv i Institutit Demokratik të Kosovës (KDI), Ismet Kryeziu, u tha sot liderëve politikë të Kosovës se zgjidhja e krizës politike dhe institucionale që vetë e kanë krijuar nuk i bën ata politikanë apo shtetarë dhe i „përgëzoi“ për „cirkun politik“.

„Po lexoj plot urime për liderët politikë. A duhet zgjidhja e krizës të jetë arsye për t’i përgëzuar ata politikanë që kontribuuan në krijimin dhe zgjatjen e krizës?“, pyeti Kryeziu.

Ai theksoi se demokracia dhe vlerat politike e humane të një politikani maten atëherë kur ai shmang krizat dhe vepron në interes të qytetarëve, e jo kur krijon krizat dhe në fund sillet si shpëtimtar, sikur po ofrojnë zgjidhje në momentin e fundit.

„Urime për cirkun politik“, shkroi Kryeziu në Facebook.

Deputetët e Kuvendit të Kosovës zgjodhën mbrëmë presidenten e re të Kosovës, Justina Shiroka-Pula, kryetare e Akademisë së Shkencave dhe të Arteve të Kosovës.

Votimi për të përfundoi rreth dhjetë minuta pas mesnatës.