Guxhiq: Aktgjykimet nga Haga hedhin hije mbi natyrën e luftës së UÇK-së

Historiani nga Graçanica, Aleksandar Guxhiq, deklaroi se aktgjykimi ndaj Hashim Thaçit, Kadri Veselit, Rexhep Selimit dhe Jakup Krasniqit në Hagë ka hedhur hije mbi natyrën e luftës së UÇK-së, duke pasur parasysh se në Kosovë ka dominuar qëndrimi se “lufta ishte e drejtë”.

“Drejtësia është përmbushur pjesërisht. Nga aktgjykimi dhe i gjithë procesi është lënë jashtë periudha e fundit të vitit 1999 dhe fillimit të vitit 2000, kur u dëbuan më shumë se 250.000 serbë dhe kur u zhvillua operacioni ‘Fshesa’. Vetë aktgjykimi ndaj Hashim Thaçit lidhet me vrasje, trajtim mizor, ndalim të paligjshëm dhe krime të tjera lufte. Aktgjykimi do të ketë ndikim në vetë Kosovën”, tha Guxhiq për Kosovo online.

Sipas tij, ai nuk do ta përcaktojë statusin e Kosovës, por do të ketë ndikim në rrethanat e brendshme politike në Kosovë.

“Deri më tani, në Kosovë ka dominuar narrativa se Ushtria Çlirimtare e Kosovës ka zhvilluar një luftë çlirimtare dhe të drejtë, ndërsa këto aktgjykime hedhin hije mbi natyrën e luftës së UÇK-së”, shtoi ai.

Siç tha ai, shqiptarët do ta shprehin pakënaqësinë me aktgjykimin në Hagë ndaj serbëve.

“Sigurisht që do të jemi të pranishëm dhe do të shohim pakënaqësinë e ekstremistëve shqiptarë në Kosovë, të cilët do të jenë të pakënaqur me aktgjykimin dhe këtë pakënaqësi, sipas zakonit të krijuar, do ta shprehin ndaj serbëve. Nëse kjo do të mbetet në nivelin e provokimeve apo do të ketë incidente më serioze, mbetet të shihet”, deklaroi ai.