KUSH është KUSH - Enriko Barduani: Gjeneral me një simbol parashutë dhe dy fakultete

Është kualifikuar si komandant i njësisë së blinduar me gradën “Oficer i Kalorësisë”, por mban edhe Distinktivin e Parashutistëve të Ushtrisë Italiane dhe Distinktivin e Parashutistëve të Ushtrisë Amerikane. Në bazën “Filmski Grad” në Prishtinë të shtunën do të mbahet ceremonia solemne për dorëzimin e detyrave të komandantit të ri të KFOR-it. Gjenerali turk Ozkan Ulutash do të zëvendësohet nga gjenerali Enriko Barduani. Nga 28 komandantët e deritanishëm të këtij Misioni, ai është i 14-ti që vjen nga Italia.

Komandanti i ri i KFOR-it ka diplomuar në dy fakultete. Ai u diplomua për shkenca politike në Universitetin e Torinos, si dhe për shkencat ndërkombëtare dhe diplomatike në Universitetin e Triestes. Ai ka një diplomë master në shkencat politike në Universitetin e Torinos.

Ai ka parë lufta: nga Iraku deri në Afganistan, dhe deri më tani ka shërbyer dy herë në Kosovë.

Hera e parë ka qenë në vitin 2001 si zëvëndës i shërbimit inteligjent ushtarak italian në kuadër të operacionit të NATO-s “Mbrojtësi i përbashkët”.

Më pas, nga viti 2015 deri në vitin 2016 ka mbajtur pozitën e shefit të shtabit në Komandën e KFOR-it në Prishtinë.

Ndërkohë, në vitin 2004 ka qenë në Sektorin J3 gjatë operacioneve në Irak, dhe në Liban në vitin 2009, si pjesë e UNIFIL, komandant i njësisë RECCE. Gjatë viteve 2019 dhe 2020, në Afganistan, ai komandoi misionin e NATO-s "Train Advise Assist Command - West (TAAC - West) në Herat - në kuadër të forcave ndërkombëtare të sigurisë ISAF.

Deri tani ka drejtuar disa njësi elitare italiane.

Në vitin 2013 emërohet komandant i Regjimentit të Tretë Ajror të Kalorësisë “Savoja” të Brigadës së Parashutës “Folgore”.

Në vitin 2004, kjo brigadë ishte reparti i parë ushtarak nga jashtë që u shpërblye.

Sinodi i Shenjtë i Kishës Ortodokse Serbe e shpërbleu këtë brigadë me Urdhrin e Shën Savës për meritat e saj në shpëtimin e Patriarkanës së Pejës, të Deçanit dhe enklavave serbe në këtë pjesë të Kosovës.

Ai u gradua në gradën e gjeneral brigade në vitin 2018 dhe një vit më vonë u emërua komandant i një njësie tjetër elitare italiane - brigadës 132 të blinduar "Arrieta".

Deri në fillim të këtij viti, kjo brigadë ishte në rotacion të rregullt në kuadër të misionit të KFOR-it në kuadër të Komandës Rajonale Perëndim (RC-V). Në shkurt, ata u zëvendësuan nga regjimenti i logjistikës "Pinerolo".

Karriera ushtarake

Barduani u diplomua në Kolegjin Ushtarak në Napoli dhe më pas në Akademinë Ushtarake në Modena.

Gradën e parë – toger kalorësie e mori në vitin 1990, dhe më pas shërbeu në gradën toger nga viti 1992 deri në vitin 1997 në Regjimentin e Pestë të Kalorësisë “Lencieri di Novara” në Udine.

Për një kohë të shkurtër ka qenë instruktor në Shkollën Ushtarake të Kalorësisë, nga viti 2008 deri në vitin 2000, dhe instruktor në Qendrën e Stërvitjes për Zbulimin, Vëzhgimin dhe Përvetësimin e Objektivave të Ushtrisë.

Për tetë vjet ishte oficer shtabi në zyrën e shefit të ushtrisë italiane dhe në vitin 2008 u gradua nënkolonel dhe mori komandën e skuadriljes së Regjimentit të Gjashtë të Kalorësisë "Lancieri di Aosta" në Palermo.

Nga shtatori 2020 deri në maj 2022, ai ishte shefi i shtabit të kryetarit të Komitetit Ushtarak të BE-së në Bruksel.

Pas kthimit në Itali, u caktua në Ministrinë e Mbrojtjes si zv/shef shtabi i ngarkuar me çështjet e politikës ushtarake. Në tetor 2023, ai mori postin e drejtorit për politikën e mbrojtjes.

Deri më tani është vlerësuar me çmimin “Kalorësi i Urdhrit Ushtarak” të Italisë, Urdhri i Meritës i Italisë, “Legjioni i Meritës” i ushtrisë amerikane, si dhe është vlerësuar edhe në Slloveni dhe Rumani.

Gjenerali Barduani është i martuar dhe gruaja e tij Daniela është një oficere e policisë lokale në Itali.