Keppel: Vuçiq dërgoi mesazhe të rëndësishme dhe të guximshme nga Kombet e Bashkuara

Presidenti i Serbisë Aleksandar Vuçiq në fjalimin e tij para Asamblesë së Përgjithshme të Kombeve të Bashkuara dërgoi mesazhe të rëndësishme, vlerësoi redaktori e të përjavshmes zvicerane “Weltvohe”, Roger Keppel dhe shtoi se i ka bërë përshtypje fjalimi i tij.

Keppel, në podkastin e tij të rregullt, theksoi se edicioni zviceran i "Weltvohe" e hap duke I dhënë mirnjohje presidentin serb Vuçiq për fjalimin e tij në OKB. 

"Ai dërgoi mesazhe të rëndësishme që duhen përsëritur gjithmonë, sepse kurrë nuk mjafton. Folësit e mirë vazhdojnë të thonë të njëjtën gjë, me formulime të ndryshme. Vetëm kur mesazhi paraqitet vërtet qartë, ai ka një shans të merret nga audienca dhe të kuptohet. Mua më ka bërë përshtypje fjalimi i presidentit Vuçiq”, nënvizoi ai. 

Keppel tha se në situatën aktuale ka simpati për Serbinë, sepse ai vend kritikohet dhe sulmohet vazhdimisht në mediat zvicerane. 

"Serbët kanë marrëdhënie të mira shekullore me Rusinë. Perëndimi, në vend që t'i përdorë ato lidhje si urë, dëshiron t'i detyrojë serbët të heqin dorë nga miqtë e tyre rusë. Vuçiq po përpiqet të balancojë me akrobaci të tmerrshme, dhe vetëm për këtë arsye. Ai tashmë meriton respektin tonë”, shpjegoi ai. 

Kepel theksoi se Serbia është një vend i fortë ekonomikisht. Fjalimi i Vuçiqit në OKB, thotë ai, përmban një sërë mesazhesh interesante. 

"Presidenti Vuçiq tha se shtetarët sot shpesh flasin për kërcënime të imagjinuara dhe tregojnë përralla për të ardhmen pa ndonjë bazë reale. Ai ia la komunitetit ndërkombëtar dhe OKB-së që të bëjnë politikë me qëllim të copëtimit të Serbisë. Vuçiq tregon me argumente të mira ndaj standardeve të dyfishta të aplikuara nga bashkësia ndërkombëtare, ndërsa bëhet fjalë për bombardimin e vitit 1999, një ndërhyrje pa mandat të OKB-së, me qëllim të krijimit të një realiteti të ri përmes shkëputjes ilegale të Kosovës”, tha Keppel. 

Ai ka kujtuar se Vuçiq ka thënë gjithashtu se ka dëgjuar nga presidenti amerikan se parimi më i rëndësishëm është respektimi i integritetit territorial dhe sovranitetit, gjë që e konsideron ironike sepse ai parim është shkelur në rastin e Serbisë. 

"Me një gjuhë të saktë, ai përshkroi se nuk dëgjoi askënd të qeshte kur Vladimir Putin përdori të njëjtat argumente që përdorën NATO dhe OKB gjatë copëtimit të Serbisë. Kjo është dëshmi e standardeve të dyfishta. Kosova është Ukraina e Perëndimit në territorin serb" deklaroi Vuçiq, ka shtuar Keppel. 

Ai ka theksuar se Vuçiq ka folur edhe për situatën e rëndë të sigurisë së serbëve në Kosovë dhe deklaratën “e pabesueshme” të kryeministrit të Kosovës, Albin Kurti, i cili tha se serbët duhet të vuajnë dhe të paguajnë për gabimet që kanë bërë. 

"Ishte një fjalim i fortë dhe i guximshëm. Si dikush që është laik për çështjen e Serbisë, është një fjalim që është shumë më realist sesa ajo që mund të dëgjonim nga të tjerët në Asamblenë e Përgjithshme të OKB-së," përfundoi Keppel.