Përfaqësuesit e Listës Serbe me Sutiakovën: E theksuam gjendjen e rëndë të popullit serb në Kosovë e Metohi

Kryetari i Listës Serbe, Zllatan Ellek, së bashku me kolegët e tij, sot në Mitrovicën e Veriut është takuar me shefen e Departamentit për Ballkanin Perëndimor të Shërbimit Evropian për Punë të Jashtme, Zuzana Mihalkova Sutiakov dhe me shefin e tavolinës për Kosovën, Aleksis Hupin.

Përfaqësuesit e Listës Serbe, siç thuhet në njoftim, në takim kanë theksuar situatën jashtëzakonisht të vështirë në të cilën ndodhet populli serb në Kosovë, të cilën po e krijon regjimi në Prishtinë, dhe me qëllimin e përndjekjes së çdo gjëje serbe nga këto hapësira.

“Përfaqësuesit e Shërbimit Evropian për Punë të Jashtme janë njoftuar për shkeljen sistematike të të drejtave të popullit serb nga institucionet e Kosovës, e veçanërisht për brutalitetin policor, represionin, arrestimet e pabaza dhe ngacmimet e përditshme të qytetarëve tanë. U shpreh një qëndrim i qartë se Bashkimi Evropian duhet urgjentisht të angazhohet dhe të parandalojë dhunën institucionale të kryer nga regjimi në Prishtinë. Se masat dhe njoftimet e mëparshme kanë rezultuar absolutisht joadekuate, sepse dhuna ndaj popullit tonë vazhdon. Dhe se është më urgjente të formohet Bashkësia e Komunave Serbe, të cilën populli serb e ka pritur për 11 vjet, dhe që duhet të mbrojë institucionalisht të drejtat e popullit serb”, thuhet në njoftimin e Listës Serbe.