Seferi: Në Ballkan kultura është gjëja më e rrezikshme, varet se për çfarë përdoret

Të gjithë thonë se politika nuk duhet të ndërhyjë në aktivitete si sporti dhe kultura, por disi i pëlqen politikës, sepse këta njerëz kanë më shumë fansa se kryetarët e qeverive dhe shteteve, thotë për Kosovo online gazetari Idro Seferi, duke komentuar rastet kur i dërgojnë personazhet e famshëm mesazhe politike.

Seferi vlerëson se kjo nuk duhet të shqetësojë askënd, sepse “nuk bëhet fjalë për çështje sistematike”.

"Lobimi shkon nëpër sisteme shumë të organizuara. Por në Ballkan, kur dikush ka sukses diku në botë, atëherë ai është i yni. Dhe ndërsa ai është në Ballkan, ne nuk e lëmë të ketë sukses, dhe kjo është arsyeja pse njerëzit garojnë përmes Gjokoviqit, Rita Orës, Dua Lipës dhe të tjerëve si ata, që janë ende emra botërorë dhe kanë audiencë botërore”, thekson Seferi.

Ai shton se njerëz të tillë pritet “të thonë diçka, se nuk e kanë harruar popullin e tyre”.

"Së pari, ata kanë shërbime PR që merren me tema shumë më serioze sesa çështje politike në Ballkan. Por, thjesht, kur thonë diçka, ne gjithmonë gëzohemi pak për këtë. Nga ana tjetër, janë pytje milionat dhe unë do të thosha se ata janë milionerë nga kombësia, në krahasim me atë që janë në të vërtetë etnikisht. Edhe pse sigurisht që ka një gjë që lidhin me disa emocione, por është mosmirënjohje dhe e padrejtë që atyre u kërkohet gjithmonë të deklarohen për disa gjëra që qeveritë tona nuk mund ta kenë kaq të lehtë ta zgjidhin vetë”, thotë bashkëbiseduesi ynë.

Sipas tij, shtetet normale i zgjidhin problemet dhe konfliktet që kanë të bëjnë me politikën përmes institucioneve, autoriteteve, shteteve, pra qeverive dhe burimeve diplomatike dhe gjëra të tjera janë aty për të mbushur temat sociale, siç është kultura.

“Natyrisht, kultura në Ballkan duket se është gjëja më e rrezikshme. Ajo mund të bashkojë njerëzit, por edhe të krijojë konflikte të mëdha, varet se për çfarë përdoret. Sigurisht që ketu është edhe sporti. Në thelb, të gjithë thonë që politika nuk duhet të ndërhyjë në këto aktivitete, por politikës i pëlqen disi sporti dhe kultura, sepse realisht këta njerëz kanë më shumë fansa se presidentët e qeverive, shteteve etj. Thjesht, tërheqin një pjesë më të madhe të audiencës, vetëm pse janë personazhe publike. Ata tërheqin edhe njerëz nga parti të ndryshme dhe me këtë vjen nevoja për t'i përdorur ata për një lloj fushate politike, por do të thosha, në dashtë Zoti, që kemi aq shumë Gjokoviqa, Dua Lipa, Rita Ora në botë sa të jetë e mundur dhe sa më pak nga këto tensione. Kush e di se ku do të përfundonim”, thotë Seferi.