Banka e Kursimeve Postare: Pavarësisht bastisjes në degë, fondet në llogaritë e të gjithë klientëve janë të sigurta

Kompania aksionare Banka e Kursimeve Postare ka njoftuar se fondet e të gjithë klientëve në llogaritë e tyre janë të sigurta për shkak të pushtimit të Policisë së Kosovës në degët e saj në veri të Kosovës.

“Për shkak të depërtimit të të ashtuquajturës policia e Kosovës në degët e Bankës të Kursimeve Postare në Kosovë dhe Metohi, njoftojmë të gjithë klientët, individët dhe personat juridikë, se fondet e tyre në llogaritë e bankës janë të sigurta dhe nuk do të dëmtohen ka deklaruar Shoqëria Aksionare e Bankës së Kursimeve Postare.

Ata shtojnë se klientët ende mund të kryejnë të gjitha shërbimet.

“Përkundër pengimit të përkohshëm të funksionimit të Qendrës Rajonale në Mitovën e Veriut klientët e Bankës mund t'i kryejnë të gjitha shërbimet bankare, përfshirë transaksionet e pagesave, kreditimin, operacionet e këmbimit dhe të tjera, në degët më të afërta në vendkalimet administrative Jarinje, Bërnjak, Merdare dhe Konçul, si dhe në pjesën tjetër të rrjetit afarist të Bankës. Në të njëjtën kohë, të gjithë punonjësit e Bankës në Qendrën Rajonale të Mitrovicës mbeten të punësuar”, përfundon njoftimi.