Daçiq: Sërbia ka përmbushur detyrimet e veta, si pasojë e Prishtinës ende nuk ka zgjidhje

Ministri i punëve të jashtme të Sërbisë Ivica Daçiq ka thënë se Sërbia ka përmbushur gjithçka çfarë është dakordësuar në dialog dhe se çdo gjë që e pengon dhe shkakton pengesa që nuk ka ende zgjidhje, shkon drejt shpirtit të Prishtinës dhe ata që e mbështesin në këtë proces” transmeton Zëri Sërb.

"Pas më shumë se dhjetë vitesh sa ç’ka zgjatur dialogu, mund të them vetëm se pala jonë ka përmbushur gjithçka që është dakordësuar dhe se gjithçka që pengon dhe bën që ende të mos ketë zgjidhje shkon drejt shpirtit të Prishtinës dhe ata që e mbështesin në këtë proces. Jo. nuk shpresojmë për asgjë, veçse insistojmë tek detyrimet e marra të përmbushen përfundimisht” tha Daçiq.

Ky i fundit shtoi se ka vetëm një detyrim, formimin e Bashkësisë së Komunave Sërbe.

“Derisa të zbatohet ky detyrim nga Marrëveshja e Brukselit, është e pakuptimtë të dakordësohet për ndonjë gjë tjetër” tha Daçiq.

Shefi i diplomacisë sërbe theksoi se “Kosova dhe Metohia janë pjesë e patjetërsueshme e Sërbisë, çka është e shkruar edhe në Kushtetutë”.

“Nëse Kosova dhe Metohia humbi për Sërbinë, siç thonë disa, përse ende po flasin me ne, e sidomos përse nuk mund të gjejnë asnjë zgjidhje, por na kërkojnë të marrim pjesë në krijimin e kësaj zgjidhjeje? Kjo është rezultat e politikës që ne udhëheqim ndër vite dhe e vetmja përgjegjësi çka Kosova dhe Metohia sot nuk është shtet i pavarur” thekson Daçiq.

I pyetur nëse ka informacion rreth kësaj nëse vendet e tjera po përgatiten të tërheqin njohjen e Kosovës, Daçiq tha se “derisa nuk ndërpritet procesi që është në zhvillim dhe kjo në mënyrë që të jetë i pranueshëm për Sërbinë, do të ketë nga ata që do të dëshirojnë të rishqyrtojnë vendimin e mëhershëm për njohjen e Kosovës”.

“Ne kemi treguar se deri më tani këtë e kanë bërë një numër të madh anëtarësh të KB, sepse kanë çmuar argumentet tona se kjo çështje është ende e hapur dhe se njohja e Kosovës nuk është në përputhje me të drejtën ndërkombëtare”, përkujton Daçiq.

Duke i’u referuar tërheqjes së vazhdueshme të paraleleve mes Republikës Sërbe të Bosnjës dhe Kosovës, si dhe pretendimeve nga Prishtina se "nuk do të lejojnë një Republikë Srpska të re", Daçiq tha se kjo "ilustron më së miri standardet e dyfishta me të cilat përballet Sërbia dhe populli sërb në përgjithësi".

“Zgjedhja selektive dhe tendencioze e argumenteve, pra kuazi-argumenteve, është diçka me të cilën po përballet shteti ynë prej dekadash. Ajo çka është e përbashkëta në të dy rastet, është se shkelen detyrimet ndërkombëtare në dëm të Sërbisë dhe popullit sërb dhe ata që e bëjnë këtë, nuk përballen me pasoja përgjegjësie” thekson Daçiq

Duke folur për faktin se Turqia armatos Kosovën me “bajraktarë” (dronë), Daçiq tha se kjo është negative në shumë rregulla.

“Furnizimi i Prishtinës me dronë “bajraktarë” është jashtëzakonisht negative në shumë rregulla: e para dërgimi i çdo lloj arme që mund të prishë ekuilibrin e sigurisë, është një lajm i keq; nëse ky rajon ka tensione në rritje-kjo është keq e më keq; nëse këto armatime i dorëzoni palës e cila për një kohë të gjatë është njohur jo vetëm si jo bashkëpunuese, por si palë që pengon çdo marrëveshje, pa asnjë tregues se do të sillet në përputhje me normat bazë të sjelljes në bashkësinë ndërkombëtare-kjo tashmë merr më shumë se dimension shqetësues” tha Daçiq.

Ky i fundit pyeti nëse duhet përmendur se është kundër rezolutës 1244 të Këshillit të Sigurimit të KB e cila është në fuqi që të egzistojnë çfarëdolloj force e armatosur në Kosovë, përveç atyre që do të reagonin në rast zjarri apo fatkeqësie natyrore.

"Jam absolutisht i bindur se dronët të cilat Turqia nuk i ka dorëzuar Prishtinës nuk kanë qëllim të paralajmërojë zjarret në pyje. Me fjalë të tjera, dorëzimi i dronëve "Bajraktarë" tek Prishtina, është shumë negativ, i dëmshëm dhe madje i rrezikshëm për stabilitetin e rajonit” tha Daçiq.