Është thyer xhami i dyqanit serb në Koretisht; Petkoviq: A ka fund dhuna e Kurtit ndaj serbëve

Drejtori i Zyrës për Kosovë e Metohi, Petar Petkoviq, ka bërë të ditur se mbrëmë në Koretisht është thyer xhami i një dyqani në pronësi të serbit Srgjan Todoroviq dhe ka shtuar se kjo është vazhdimësi e fushatës terrori për të frikësuar serbët dhe për t'i larguar ata nga vatrat e tyre.

Petkoviq vuri në dukje në Twitter se këto sulme, në dukje të izoluara, janë pjesë e një fushate më të gjerë për të frikësuar serbët.

"A ka fund për dhunën e Kurtit kundër popullit serb në Kosovë e Metohi? Në dyqanin e Srgjan Todoroviqit në Koretishtë afër Gjilanit, xhami u thye mbrëmë. Sulme të tilla në dukje të izoluara janë pjesë e një fushate terrori dhe një plani më të gjerë për të frikësuar Serbët dhe për t'i larguar ata nga vatrat e tyre. Ndaloni dhunën ndaj serbëve”, tha Petkoviq.