Gjuriq: Do të isha i zhgënjyer nëse nuk do të hapej një fushatë negative me rastin e rikthimit tim të fundit

Ambasadori i Serbisë në SHBA, Marko Gjuriq, ka folur për foton e publikuar dje në rrjetet sociale, ku shihet në një restorant së bashku me ish-nënkryetarin e Listës Serbe, Milan Radoiçiq.

Gjuriq, ndër të tjera, ka thënë se përveç përfaqësuesve të ndryshëm serbë, me të cilët ende mban kontakte të rregullta dhe i pëlqen të takohet edhe sot, ai ka takuar shumë herë, edhe në kuadër të punës së tij, edhe me liderë të shumtë shqiptarë të vendit dhe drejtësisë ndërkombëtare të akuzuar për krime të papërshkrueshme lufte kundër popullit serb.

"Do të isha i zhgënjyer nëse nuk do të kishte një fushatë negative me rastin e kthimit tim të fundit. Edhe nëse do të ishte mjaft patetike. Nuk kam ndërmend t'i kërkoj falje Kurtit dhe Sveçles apo boteve të tyre dhe njerëzve të tjerë keqdashës për asgjë. Unë kam nuk fshehur dhe as nuk kam turp nga kontaktet shumë publike që kam brenda punës. Përpos përfaqësuesve të ndryshëm serbë me të cilët kam kontakte të rregullta dhe më pëlqen të takohem edhe sot, jam takuar shumë herë, edhe në kuadër të punës që bëj me liderë të shumtë shqiptarë që akuzohen nga drejtësia vendase dhe ndërkombëtare për krime të papërshkrueshme lufte kundër popullit tim”, ka shkruar Gjuriq në rrjetin social “X”.

Gjuriq ka shkruar se takime të tilla kanë qenë gjithmonë pakrahasueshme më të vështira për të personalisht.

“Si dhe takimet që kam pasur me etnonacionalistët Kurti dhe Sveçlja, të cilët shkelin brutalisht të drejtat elementare njerëzore të serbëve në Kosovë dhe Metohi dhe kanë gjak të pafajshëm në duart e tyre. Unë kam munguar në politikën ditore për një kohë të gjatë, ndaj më duket pak i habitshëm pasioni me të cilin disa publikisht po bëjnë fushatë kundër vendit të tyre, duke menduar se do të përfitojnë politikisht. Megjithatë, në të ardhmen e afërt i presin zhgënjime të reja të mëdha. Po kthehem së shpejti dhe mezi pres t'i përballoj të gjithë bashkë”, tha Gjuriq.