Jovanoviq: Duhet të presim që SHBA të korrigjojë Kurtin për Shqipërinë e Madhe

Diplomati me përvojë Vladislav Jovanoviq thotë se Aljbin Kurti bëri një udhëtim politik të rrezikshëm në Maqedoninë e Veriut, por se mungesa e një reagimi amerikan duhet kuptuar nga prizmi i interesave të saj dhe kufijve të tolerancës që ka ndaj Prishtinës, transmeton Kurir.

Jovanoviq beson se Kurti e “hodhi dorezën” në Shkup, e cila nuk ishte parë më parë dhe se një veprim i tillë tregon papajtueshmërinë e interesave të tij dhe atyre të Perëndimit.

“Kurti ka një funksion të qartë për të provokuar, për të rrezikuar dhe për të krijuar presion të kombinuar ndaj Serbisë për ta detyruar atë të reagojë dhe kjo do të nënkuptonte një konflikt me NATO-n. Megjithatë, Amerika nuk e dëshiron atë konflikt, edhe pse i përshtatet që Serbia të jet nën presion të vazhdueshëm. Interesat  amerikane përkojnë deri në një pikë me ato të Kurtit, por Kurti është treguar i pabindur dhe nuk është i kënaqur vetëm me kompletimin e shtetësisë së Kosovës, gjë që e dëshiron edhe Amerika. Ai gjithashtu ka ambicie të krijojë një konglomerat të madh shqiptar në këto zona dhe duhet të presim që Amerika ta korrigjojë atë në atë fushatë”, tha Jovanoviq.