Kadriaj: Pretendimet populiste për cenueshmërinë e Kosovës i kanë shkaktuar dëme të mëdha ekonomisë

Eksperti i ekonomisë nga Prishtina, Mustaf Kadriaj, ka vlerësuar se pretendimet e përfaqësuesve të pushtetit në Prishtinë për kërcënime dhe konflikte të mundshme janë deklarata populiste që i kanë shkaktuar dëme të mëdha ekonomisë së Kosovës.

"Pretendimet e Qeverisë së Kosovës nuk kanë qenë asnjëherë të qëndrueshme dhe unë e kam paralajmëruar vazhdimisht për këtë vetë. Kosova në asnjë rrethanë nuk është e kërcënuar nga asnjë shtet sepse mbrohet nga forcat ndërkombëtare, konkretisht nga KFOR-i. Me deklarata të tilla Qeveria e Kosovës në fakt e ka dëmtuar veten sepse kur një investitor i huaj ndjen, apo edhe dyshon se ka një lloj kërcënimi apo destabiliteti, është krejt normale që të tërhiqet", ka thënë Kadriaj për Kosovo online.

Ai pretendon se bëhet fjalë për populizëm nga ana e qeverisë.

“Kjo ka të bëjë me populizmin e një qeverie që po përpiqet ta portretizojë veten se punon në interes të Kosovës, kur në realitet i shërben më shumë pikëve politike sesa interesave reale të shtetit apo qytetarëve të Kosovës”, thekson Kadriaj.

Ai shton se kjo lloj fushate propagandistike është legjitime, por dëmton ekonominë dhe sjell pasoja të rënda.

"Deklaratat e tilla i kanë shkaktuar dëme të mëdha ekonomisë së vendit, sepse si çdo vend tjetër edhe Kosova varet nga investimet. Pra kur ka investime, në një farë mënyre rritet niveli i bashkëpunimit ekonomik dhe rajonal dhe kështu vendet e rajonit dhe Ballkani Perëndimor në tërësi do të bëheshin pjesë e Bashkimit Evropian", përfundon ky analist ekonomik.