Luçiq në Graçanicë: Kulmi i presionit nga administrata e Kurtit, shpresojmë ta pranojë gabimin

Drejtori i përgjithshëm i “Telekom Srbija” Vladimir Luçiq tha sot në Graçanicë se kompania bijë e kompanisë “MTS d.o.o.” që operon në Kosovë është në fazën e luftës për mbijetesë, për shkak të tentativës së administratës së kryeministrit të Kosovës Albin Kurti për t’a mbyllur atë.

Luçiq, i cili sot dërgoi tabela inteligjente në shkollat ​​në Kosovën qendrore, shtoi se shpreson që pas ankesës, Prishtina ta pranojë gabimin e saj.

Ai po ashtu ka kujtuar se “MTS d.o.o.” është kompania më e madhe serbe në Kosovë, e cila ka rreth 250 punëtorë dhe 30 mijë përdorues.

“Në një moment shumë të rëndësishëm për kompaninë tonë, tani jemi duke punuar në këtë fushatë, sepse aktualisht jemi në fazën e luftës për mbijetesën e kompanisë sonë, sepse pas një viti presionesh të ndryshme nga administrata e Kurtit, kulmi i atij presioni tani ka ardhur dhe përpjekja e kësaj administrate për të mbyllur kompaninë tonë", shpjegon Luçiq.

Ai përkujtoi se “Telekom Srbija” në Prishtinë ka bërë ankesë kundër vendimit për ndalimin e funksionimit të kësaj kompanie në Kosovë, përkatësisht për fshirjen e kompanisë “MTS d.o.o.” nga regjistri i kompanive dhe se pret rezultat pozitiv.

“Zgjidhja e vetme është një copë letër absurde, e cila nuk është sipas ligjit që kanë miratuar, shkel vetë ligjet e Prishtinës, për të mos thënë anulimin e marrëveshjes së Brukselit. Pra, ne jemi të sigurt për fitoren tonë dhe se për 15 ditë, siç na njoftuan të premten, ata do të marrin vendimin dhe zgjidhja është të pranojnë gabimin dhe kompania jonë të vazhdojë të punojë”, tha Luçiq.

Ai përmendi se do të ngrejë edhe çështjen e marrjes së licencës së tretë në Kosovë.

“Siç e dini, ne kemi licencë për televizion fiks, internet në të gjithë territorin dhe jemi të kufizuar në celular, sepse na kanë mbajtur në numrin e përsëritësve që kemi pasur më parë, pra njerëzit në enklavat serbe, ku jemi të mbuluar ndonjehere e ndjen, sidomos kur ka problem sigurie, kur njerezit flasin shume. Mendoj se do te ndermarrim aktivitete diplomatike per te marre licencen e trete, qe te ndertojme ne menyre cilesore telefonine celulare dhe te behemi konkurrente te vertete. I pëlqen dikujt apo jo, Telekom Srbija është operatori më i madh në Ballkanin Perëndimor”, tha Luçiq.