Në Shtërpcë u shënua 25 vjetori i bombardimeve të NATO: Mos i dhasht Zoti askujt

Përfaqësuesit e SUBNOR-it nga Shtërpci sot vendosën lule në memorialin në oborrin e kishës së Shën Gjonit në Shtërpc, në kujtim të fillimit të bombardimeve të RF të Jugosllavisë në këtë ditë 25 vjet më parë dhe të gjithë viktimave të pafajshme.

Fillimi i bombardimeve të NATO-s, i cili zgjati plot 78 ditë, me pikëllim kujtohet edhe nga banorët e Shtërpcit.

Përfaqësuesit e SUBNOR kujtojnë se ishte një agresion që mori shumë jetë njerëzish.

Kryetari i SUBNOR-it në Shtërpcë, Novica Krstiq, i cili vendosi lule në memorial, theksoi se sot kujtojmë të gjitha viktimat e agresionit të NATO-s dhe shprehu dëshirën që kjo të mos i ndodhë më askujt.

“Në këtë ditë, 25 vjet më parë, filloi agresioni i NATO-s kundër Jugosllavisë, ndaj vendit tonë, sepse Kosova dhe Metohia është pjesë përbërëse e Serbisë, ishte një agresion i tillë... Zoti mos e dhasht askujt, në asnjë vend, të ketë një agresion ku vuajnë fëmijët, pleqtë, gratë. Lusim Zotin që të mos ndodhë më asnjë agresion, jo vetëm ndaj vendit tonë, por ndaj asnjë vendi”, tha Krstiq.

Memoriali në oborrin e kishës së Shën Gjonit në Shtërpcë i kushtohet pjesëtarëve të ushtrisë, policisë dhe civilëve të vrarë gjatë konflikteve të luftës në Kosovë.