Nikolliq: Sjellja arrogante e policëve të Kurtit

Kryetarja e Komisionit për Kosovë dhe Metohi në Kuvendin e Serbisë, Danijela Nikolliq, dënoi veprimet e pjesëtarëve të Policisë së Kosovës gjatë incidentit në fshatin Vuçë pranë Leposaviqit, kur është përdorur armë zjarri gjatë përpjekjes për të legjitimuar një të ri serb.

“Sjellja joprofesionale, arrogante e policëve të Kurtit në veri të Krahinës është gjendje e rregullt torture që populli serb e vuan prej vitesh. Me përdorimin e armëve të zjarrit në fshatin Vuçë, afër Leposaviqit, ata kanë shkuar një hap më tej, pa u shqetësuar nëse legjitimimi i tyre ka rrezikuar jetën e të riut serb, i cili për fat të mirë ka kaluar pa pasoja të rënda për jetën,” tha Nikolliq.

Ajo shtoi se nuk është hera e parë që në Kosovë një nga metodat e ndalimit të serbëve është shtypja e këmbëzës, gjë që në këtë dhe raste të ngjashme paraqet keqpërdorim të autorizimeve policore.

“A ekziston një kufi i qartë i mbrojtjes së të drejtave të njeriut të një populli, në të cilin do të reagojë bashkësia ndërkombëtare, apo ky veprim i policisë së Kurtit është gjendje e rregullt në Kosovë e Metohi, që de facto përbën një vrimë të zezë të të drejtave dhe lirive të njeriut në tokën e Evropës, ose ruajtësit e vlerave evropiane e trashëgojnë dhe e miratojnë edhe këtë sjellje, të paktën kur bëhet fjalë për serbët,” pyeti Nikolliq.

Në fshatin Vuçë pranë Leposaviqit dje ka ndodhur një incident, në të cilin policia ka ndaluar një të ri me kombësi serbe, ndërsa një tjetër ka ikur me vrap, por më pas është paraqitur në stacionin policor. Sipas dëshmitarëve, policia e Kosovës gjatë përpjekjes për ta legjitimuar ka përdorur pushkë automatike dhe ka shtënë në drejtim të pyllit ku ishte larguar një nga të ri.