Petkoviq: Beogradi mban parimet, Prishtina heq parrullën “Free Ukraine“ kur nuk merr atë çka dëshiron

Drejtori i Zyrës për Kosovë e Metohi Petar Petkoviq vlerëson se dallimi mes Beogradit zyrtar dhe Prishtinës në raport me Ukrainën nuk është emocional, por në parime duke bërë të ditur se Prishtina heq parrullën “Free Ukraine“ kur nuk merr atë çka dëshiron.

Petkoviq në rrjetin social “X“ shkruan se zyrtarët në Beograd insistojnë në respektimin e të drejtës ndërkombëtare dhe integritetit territorial, ndërsa Prishtina dhe lidershipi i saj sipas fjalëve të tij, ndryshojnë marrëdhënie ndaj Ukrainës në varësi nga ajo nëse marrin atë çka dëshirojnë.

“Ndërsa Beogradi syrtar insiston tek e drejta ndërkombëtare dhe integriteti territorial, Prishtina dhe lidershipi i saj heqin parrullën ’Free Ukraine‘ fill pasi nuk morën atë çka dëshironin. Dallimi nuk është tek emocionet, por tek parimet!“, tha Petkoviq.