Petkoviq: Kurti vazhdon me militarizimin e veriut

Drejtori i Zyrës për Kosovë dhe Metohi, Petar Petkoviq, ka theksuar se kryeministri i Kosovës Albin Kurti në mandatin e tij teknik vazhdon të militarizojë veriun dhe se po ndërton një tjetër fortifikim policor afër shkollës në Zubin Potok.

Petkoviq deklaroi në rrjetin social "X" se që kur Kurti erdhi në pushtet, në veri janë ndërtuar 22 stacione dhe baza policore.

"Kurti vazhdon me militarizimin e veriut në Kosovë dhe Metohi. Një tjetër fortifikim i paligjshëm policor po ngrihet pranë shkollës fillore në Zubin Potok. Që kur erdhi në pushtet, Kurti ka ndërtuar 22 stacione dhe baza policore në veri, "dhe objektet e vjedhura serbe ia dorëzoi parapolicisë së tij", theksoi Petkoviq.

Ai shtoi se militarizimi i veriut, kryetarët e rremë të bashkive dhe persekutimi i serbëve janë politikat e vetme të Kurtit dhe Sveçlës.

"Dhe gjithçka në kundërshtim me marrëveshjen e Brukselit, sepse falangat e tij nuk kanë çfarë të kërkojnë në veri, as të mbrojnë askënd, por vetëm të terrorizojnë serbët. A do të bëjë diçka BE tani?" pyeti Petkoviq.