Staroviq: Sulm i tmerrshëm ndaj shëndetësisë serbe, KFOR-i dhe EULEX-i duhet të reagojnë urgjentisht

Ministri për Integrimet Evropiane i Serbisë, Nemanja Staroviq, vlerësoi se hyrja më e fundit e Policisë së Kosovës në ambientet e sigurisë së QKS-së dhe Qendrës Shëndetësore në Mitrovicën e Veriut është sulm i tmerrshëm ndaj shëndetësisë serbe dhe bëri thirrje që KFOR-i dhe EULEX-i të reagojnë menjëherë.

Staroviq në rrjetin X theksoi se me këtë veprim është rrezikuar jeta e pacientëve dhe një nga shërbimet vitale për komunitetin serb.

„Sulm i tmerrshëm ndaj shëndetësisë serbe! Policia e Kosovës hyri në QKS në Mitrovicën e Veriut dhe në Qendrën Shëndetësore, duke rrezikuar jetët dhe duke penguar shërbimet vitale për komunitetin tonë. Shtyrja e Kurtit për ‘integrim’ është spastrimi etnik i maskuar si politikë – agresion i pastër! KFOR-i/EULEX-i duhet të reagojnë menjëherë“, tha Staroviq.