Tubimi i serbëve i Vidovdanit në Mitrovicën e Veriut: Ulërimat dhe britmat dëgjohen deri në qiell

Në Mitrovicën e Veriut, në sheshin Vëllezërit Milliq, filloi tubimi i madh i Vidovdanit i serbëve nga veriu i Kosovës, në të cilin do të miratohet “Deklarata e Vidovdanit”.

Të mbledhurit mbajnë parullat “Mjaft me pritje, duam Bashkësnë e Komunave Serbe”, “Jo tërheqje, jo dorëzim”, “Lironi vëllezërit tanë të arrestuar”, me emrat e të arrestuarve.

Tanja Vujoviq, dekane e Fakultetit të Inxhinierisë Mekanike, iu drejtua të pranishmëve dhe tha se "ulërima dhe britma e saj do të dëgjohet deri në qiell".

“Populli im i dashur serb i vuajtur, e kam të vështirë të flas para jush në prag të Vidovdanit. Ulërima dhe britma ime do të dëgjohet deri në qiell. Anëtarët e Rosu demonstrojnë forcë dhe mbjellin frikë, ndalojnë hyrjen e kamionëve, nuk lejojnë hyrjen në ndërtesën e komunës. Ajo që dhemb më shumë është arrestimi i pabazë i vëllezërve, bashkëshortëve dhe miqve tanë. Faji i tyre është dashuria për atdheun. Llune, Dushani dhe të gjithë të tjerët po na dhembin”, tha Vujoviq.

Ajo shtoi se qëllimi i Prishtinës është të arrestojë gjysmën e serbëve dhe të dëbojë gjysmën tjetër.

“Ndërsa i shikoj duke i arrestuar, jam në mosbesim që komuniteti ndërkombëtar e lejon këtë. Dhe pastaj frika e rinisë sonë, pastaj krenaria për të qenë pjesë e atij populli trim dhe durueshëm. Ne duhet te mbajme ne zemer besimin dhe kush jemi dhe cfare perfaqesojme ne kete hapesire, providencen e Zotit per popullin tim qe populli im te pajtohet dhe te shumohet, u mjaftuam me vuajtjet, duam qe kjo cmenduri te ndalet sa me shpejt dhe të qëndrojmë në vatrat tona. Të shndërrohemi në qiri në këto kohë të vështira dhe të lutemi për shpëtimin e racës në tokën e shenjtë serbe”, shtoi Vujoviq.

Sellma Muratoviq, motra e Dushan Obrenoviqit, i cili u arrestua nga policia e Kosovës më 29 maj dhe u rrah brutalisht, tha se vëllai i saj ishte burgosur padrejtësisht.

“Dushani u arrestua pa të drejtë para gjithë botës, për dy ditë bëhet një muaj që është rrëmbyer. Jam duke pritur që ai të kthehet. Ai u arrestua për protesta paqësore. Ai nuk është një kriminel por një djalë i ndershëm që punon për bukën e gojës. E rrahën brutalisht, e pyes Evropën - pse? Motra e përlotura po ju lutet që ta ktheni Dushanin dhe bashkëqytetarët e tij, vëllezërit tanë. Faleminderit të gjithëve që keni qenë këtu dhe keni ofruar mbështetje për të arrestuarit pa arsye që të kthehen në familjet e tyre”, tha Muratoviq.

Ish-kryetari i komunës së Zveçanit, Dragisha Milloviq, ka përkujtuar të pranishmëve se sot janë në sheshin Vëllezërit Milliq, heronjtë serbë që dhanë jetën për liri.

"Jemi mbledhur në prag të Vidovdanit, ku heronjtë tanë dhanë jetën në tokën e shenjtë serbe, për t'i treguar Evropës për të njëqindtën herë se sa vështirë jeton populli serb. Për një muaj, se si lëvizjet e njëanshme të Prishtinës me armë tytëgjata i kanë pushtuar komunat, si qytetarët nuk mund të shkojnë në vendet e punës, nuk kanë bazë ligjore për mënyrën se si kryhen arrestimet dhe torturat. Tashmë një muaj me prezencën e Kfor-it, Eulex-it dhe ambasadorit të Quint-it, të cilët janë pa fjalë para tij. Ne duam që kriza të zgjidhet në mënyrë paqësore. Lirimi i tre policëve është një shenjë se Serbia dëshiron që kriza të zgjidhet në mënyrë paqësore përmes bisedimeve dhe negociatave”, tha Milloviq.

"Ne duam që EULEX-i, Kfor-i, Quint-i dhe SHBA të avokojnë për lirimin e tyre nga kazamatët. Por nuk shohim vullnet të mirë, tensionet po rriten, po paralajmërohen arrestime. Zveçani u pushtua nga policët me armë tytëgjata me akuzën e terrorizmit.

Pavarësisht se na pret një periudhë e vështirë, sepse duan të na shohin kurrizin dhe të largohen nga vatra dhe spastrimi etnik, do të ngulmojmë në luftën demokratike. Jemi në të tijen, me mbështetjen e atdheut tonë do t'ia dalim”, tha Milloviq.

Serbët nga veriu i Kosovës prej një muaji po protestojnë paqësisht në Leposaviq, Zveçan dhe Zubin Potok, të pakënaqur me praninë e forcave speciale të Policisë së Kosovës në ndërtesat komunale dhe sjelljen e kryekomunarëve të paligjshëm shqiptarë, si dhe me arrestimin e bashkatdhetarëve të tyre, pas një proteste paqësore.

Në të njëjtën kohë, serbët që jetojnë në jug të Ibrit mbajtën një tubim të madh të Vidovdanit në Graçanicë.