UNS: Qëndrim i papranueshëm i Policisë së Kosovës ndaj gazetarëve serbë në Gazimestan

Shoqata e Gazetarëve të Serbisë (UNS) me degën e saj në Kosovë ka shprehur protestë për faktin se pjesëtarët e Policisë së Kosovës kanë penguar dhe kanë pamundësuar punën e gazetarëve të redaksive serbe gjatë raportimit nga parastosi në Gazimestan.

Gjatë ndalimit të qytetarëve në Gazimestan, ekipet e gazetarëve ndodheshin në hapësirën e parashikuar për punën e tyre, kur, sipas UNS, një pjesëtar i njësisë speciale të Policisë së Kosovës iu afrua një gazetari, e sulmoi verbalisht dhe kërkoi që të identifikohej.

“Edhe pse gazetari i tha se ishte në detyrë pune dhe po raportonte nga ngjarja, polici vazhdoi të bërtiste ndaj tij, duke iu afruar shumë pranë fytyrës dhe duke i kërcënuar me gisht”, thuhet në njoftim.

Përveç këtij rasti, sipas informacioneve të UNS, pjesëtarët e Policisë së Kosovës kanë shtyrë edhe disa ekipe gazetaresh nga hapësira nga e cila po raportonin.

UNS thekson se është e papranueshme të veprohet në këtë mënyrë ndaj punonjësve të medias dhe kujton se xhirimi në hapësira publike është i lejuar dhe nuk duhet të pengohet në asnjë mënyrë.