Banorët e Graçanicës: Jemi të shqetësuar, nuk duhen provokime në këtë kohë të trazuar

Banorët e Graçanicës theksuan se janë shqetësuar pas incidentit të mbrëmshëm, kur një kolonë veturash me flamujt e UÇK-së dhe Shqipërisë, nga të cilat dëgjoheshin thirrje dhe parulla të ndryshme, ndaloi qarkullimin, dhe për Kosovo online paralajmërojnë se provokime të tilla dhe të ngjashme janë të panevojshme në këtë kohë të trazuar.

Banori i Graçanicës Dushan Borisavleviq, i cili mbrëmë është gjetur në rrugë, ka theksuar se skena nuk ka qenë e këndshme.

“Nuk ka nevojë për provokime tani që janë kohë të trazuara. Besoj se është e panevojshme dhe e gjithë kjo është një teka e disave, të rinj apo jo. Isha në rrugë kur kaluan, nuk ishte e këndshme. Nuk do të jetë kurrë e këndshme të përjetosh diçka të tillë”, tha Borisavleviq.

Bosilka Dançetoviq nga Graçanica tha se në fund të fundit, banorët e Graçanicës duhet të mendojnë se si do të jetë në të ardhmen.

“Është normale që ne të mërzitemi kur na ndodh diçka e tillë. Ne mendojmë për të ardhmen tonë, si do të jetë. Ajo që ata bënë nuk ishte e bukur," tha ajo.

Zharko Martinoviq tha se pas atyre ngjarjeve fëmijët u frikësuan, por edhe më të vjetrit.

“Të gjithë jemi të mërzitur, nuk e prisnim që të vinin të bënin probleme të tilla. Mirë që kanë kaluar me flamur, por që dalin nga vetura dhe provokojnë... Të trembur janë edhe fëmijët dhe më të vjetrit”, tha Martinoviq.